وڭتۇستىك قازاقستان وبلىسى كاسىپكەرلەرگە قىزمەت كورسەتۋ ورتالىعىندا «وڭتۇستىكتىڭ ينۆەستيتسيالىق جوبالارى» اتتى كەزەكتى ءتورتىنشى كورمەسى وتكىزىلدى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.
كورمەنىڭ باستى ماقساتى وبلىس اۋداندارى مەن قالالارىنداعى توقتاپ قالعان كاسىپورىندار مەن جوبالارعا ينۆەستيتسيا تارتىپ, قايتا جانداندىرۋ بولىپ تابىلادى. بۇگىنگى كورمەدە تۇركىستان, ارىس قالالارى مەن وتىرار اۋدانىنداعى 30-عا جۋىق ينۆەستيتسيالىق جوبالار ستەندتەردە كورسەتىلىپ, ءوز كەزەگىندە ءار اۋدان اكىمدەرى جوبالاردى تانىستىرىپ ءوتتى. اتالعان كورمە وڭتۇستىك قازاقستان وبلىس اكىمى اسقار مىرزاحمەتوۆتىڭ تاپسىرماسىمەن وتكىزىلۋدە.
«ءبىزدىڭ ورتالىق ماماندارى كورمەدە كورسەتىلەتىن جوبالار تۋرالى جان-جاقتى جانە تولىققاندى اقپاراتتىڭ تارىتىلۋىن, مىسالى جىلى-جاي, باق ەگۋ سياقتى جوبالار ۇسىنىلاتىن بولسا, اۋدان نەمەسە قالالارداعى كليماتتىق جاعدايلارى تۋرالى مالىمەتتىڭ ينۆەستورلارعا جەتكىزىلۋىن قامتاماسسىز ەتەدى», – دەيدى وڭتۇستىك قازاقستان وبلىسى كاسىپكەرلەرگە قىزمەت كورسەتۋ ورتالىعىنىڭ ديرەكتورى نۇرجان التاەۆ.
«بۇگىنگى كورمەدە كاسىپكەرلەرگە ارىس, تۇركىستان قالالارىنداعى, سونداي-اق وتىرار اۋدانىنداعى جوبالار كورسەتىلگەن. اۋدان اكىمدەرى ينۆەستورلارعا ارىس قالاسى مەن وتىرار اۋدانىنداعى يندۋستريالدى ايماقتاردا كاسىپكەرلەرگە ۇسىنىلاتىن ءتيىمدى شارتتارى, تۇركىستان قالاسىندا پلاستيكالىق شولمەك شىعاراتىن زاۋىتتى سالۋ جوباسى تۋرالى, ت.ب. بىرقاتار جوبالاردى ۇسىناتىن بولادى. كورمە سوڭىندا جوبالارعا قىزىعۋشىلىق تانىتقان ينۆەستورلار مەن اۋدان اكىمدىكتەرى اراسىندا بىرقاتار مەموراندۋمدارعا قول قويىلادى دەپ جوسپارلانۋدا», – دەدى ن.التاەۆ.
ءىس-شارا بارىسىندا ينۆەستورلارعا اۋداندارداعى پايدالى قازبالار قورلارى, قۇرىلىس جوبالارى, اۋىلشارۋاشىلىقتى دامىتۋ ت.ب. ينۆەستيتسيا قاجەت ەتەتىن جوبالار تانىستىرىلدى. ينۆەستيتسيالىق جوبالار كورمەسى ءار اپتانىڭ سەنبى كۇنىندە 24 تامىزعا دەيىن جالعاسادى. كورمە قورىتىندىسى بويىنشا ينۆەستورلار مەن اكىمدىكتەر اراسىندا 12 مەموراندۋمعا قول قويىلدى. مەموراندۋمعا قول قويىلعان جوبالاردىڭ ىشىندە ارىس قالاسىندا پەنابەتون مەن پەسكوبلوك, ماكارون ونىمدەرىن شىعاراتىن زاۋىتتارىن سالۋ, وتىرار اۋدانىندا قۇراما جەم شىعارۋ تسەحىن, تۇركىستان قالاسىندا ءسۇت ونىمدەرىن وندىرەتىن تسەحىن سالۋ ت.ب. جوبالار بويىنشا كەلىسىمدەر جاسالىپ, ىسكە اسىرىلاتىن بولدى. كورمەنىڭ ءتورتىنشى كۇنىنىڭ قورىتىندىسى بويىنشا جالپى سومماسى 4,4 ملرد تەڭگەگە ينۆەستيتسيالىق جوبالار ىسكە اسىرىلىپ اتالعان اۋدانداردا 454 جاڭا جۇمىس ورىندارى اشىلادى دەپ جوسپارلانۋدا.
سۇلتان بوزايعىر.