الماتىدا ات سپورتىنان تۇڭعىش رەت «جەڭىس كۋبوگى» ءوتىپ جاتىر. دودا ۇلى جەڭىس مەرەكەسىنىڭ 75 جىلدىعى اياسىندا كەڭەس وداعىنىڭ باتىرى, ايگىلى پانفيلوۆشىلار ديۆيزياسىنىڭ ارداگەرى, جازۋشى باۋىرجان مومىش ۇلىن ەسكە الۋعا ارنالعان. سايىسقا ەلىمىزدەن بولەك, كورشىلەس مەملەكەتتەردەن كەلگەن 30-دان استام شاباندوز قاتىسۋدا.
جارىسقا قاتىسۋشىلاردىڭ جاس شاماسى - 10 مەن 20 جاس اراسىندا. اپتاعا سوزىلاتىن باسەكە 15 ناۋرىزدا مارەگە جەتپەك. وسى تۋرنيردەن ۇزدىك دەپ تانىلعاندار رەسەيدە وتەتىن حالىقارالىق بايقاۋعا جولداما الىپ, باس جۇلدە رەتىندە ماسكەۋ ورتالىعىنان بەرىلەتىن پاتەر ءۇشىن باقتارىن سىناماق. سوڭعى ۋاقىتتا ات سپورتىنا ەرەسەكتەردەن بولەك, جاسوسپىرىمدەردىڭ دە قىزۋشىعىلى ارتىپ كەلەدى دەيدى ۇيىمداستىرۋشىلار
«بيىلعى رەسەيدە وتەتىن حالىقارالىق تۋرنيرگە قازاقستان العاش رەت قاتىسۋعا مۇمكىندىك الىپ وتىر. بۇل ءبىز ءۇشىن جانە قاتىسۋشىلارىمىز ءۇشىن ۇلكەن مۇمكىندىك. سەبەبى, ول بارلىق الەم مىقتىلارى جينالاتىن بىرەگەي دودا. بۇل ءبىزدىڭ شەبەرلىگىمىزدىڭ ارتۋىنا دا ىقپالىن تيگىزەتىن ەدى. كەلەسى جىلى وزبەكستان مەن قىرعىزستان قاتارىمىزعا قوسىلادى دەپ كۇتىلۋدە», – دەيدى ات سپورتىنىڭ جاتتىقتىرۋشىسى ولگا باكۋميان.