2013 جىلعى 14 ماۋسىم, استانا قالاسى
بالالارعا ارنالعان قوسىمشا ءبىلىم بەرۋ ۇيىمدارى تۇرلەرى قىزمەتىنىڭ ۇلگىلىك قاعيدالارىن بەكىتۋ تۋرالى
«ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 5-بابىنىڭ 44-5) تارماقشاسىن ىسكە اسىرۋ ماقساتىندا بۇيىرامىن:1. قوسا بەرىلىپ وتىرعان بالالارعا ارنالعان قوسىمشا ءبىلىم بەرۋ ۇيىمدارى تۇرلەرى قىزمەتىنىڭ ۇلگىلىك قاعيدالارى بەكىتىلسىن. 2. مەكتەپكە دەيىنگى جانە ورتا ءبىلىم دەپارتامەنتى (ج.ا. جونتاەۆا): 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە بەلگىلەنگەن تارتىپتە مەملەكەتتىك تىركەلۋىن;2) وسى بۇيرىقتى مەملەكەتتىك تىركەۋدەن وتكەننەن كەيىن بۇقارالىق اقپارات قۇرالدارىندا جاريالانۋىن;3) وسى بۇيرىقتى ءبىلىم بەرۋ ۇيىمدارىنىڭ نازارىنا جەتكىزىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ ۆيتسە-مينيستر م.ا. ابەنوۆكە جۇكتەلسىن.4. وسى بۇيرىق العاش رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى.مينيستر ب.جۇماعۇلوۆ.
قازاقستان رەسپۋبليكاسى ءبىلىم جانە عىلىم ءمينيسترىنىڭ 2013 جىلعى 14 ماۋسىمداعى № 228 بۇيرىعىمەن بەكىتىلگەن
بالالارعا ارنالعان قوسىمشا ءبىلىم بەرۋ ۇيىمدارى تۇرلەرى قىزمەتىنىڭ ۇلگىلىك قاعيدالارى
1. جالپى ەرەجەلەر1. وسى بالالارعا ارنالعان قوسىمشا ءبىلىم بەرۋ ۇيىمدارى تۇرلەرى قىزمەتىنىڭ ۇلگىلىك قاعيدالارى (بۇدان ءارى – قاعيدالار) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 44-5) تارماقشاسىنا (بۇدان ءارى – «ءبىلىم تۋرالى» زاڭى), «ءتيىستى ۇلگىدەگى ءبىلىم بەرۋ ۇيىمدارى, ونىڭ ىشىندە بالالارعا ارنالعان قوسىمشا ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارى قىزمەتىنىڭ ۇلگىلىك قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 17 مامىرداعى № 499 قاۋلىسىنا سايكەس ازىرلەنگەن جانە بالالارعا ارنالعان قوسىمشا ءبىلىم بەرۋ ۇيىمدارىنىڭ بارلىق تۇرلەرىنىڭ مەنشىك نىساندارىنا جانە ۆەدومستۆولىق باعىنىستىلىعىنا قاراماستان قىزمەتىنىڭ ءتارتىبىن ايقىندايدى. 2. بالالارعا ارنالعان قوسىمشا ءبىلىم بەرۋ ۇيىمى – ءبىلىم الۋشىلاردىڭ, ونىڭ ىشىندە مۇمكىندىگى شەكتەۋلى بالالاردىڭ, جەكە ادامنىڭ, قوعام مەن مەملەكەت مۇددەسىندەگى ءبىلىم بەرۋ جانە مادەني قاجەتتىلىكتەردى قاناعاتتاندىرۋ ماقساتىندا قوسىمشا ءبىلىم بەرۋدىڭ وقۋ باعدارلامالارىن ىسكە اسىراتىن ءبىلىم بەرۋ ۇيىمى. 3. بالالارعا ارنالعان قوسىمشا ءبىلىم بەرۋ ۇيىمدارىنىڭ نەگىزگى مىندەتتەرى:1) ۇلتتىق جانە جالپى ادامزاتتىق قۇندىلىقتار, عىلىم مەن پراكتيكا جەتىستىكتەرى نەگىزىندە جەكە ادامدى قالىپتاستىرۋعا, دامىتۋعا جانە كاسىپتىك شىڭداۋعا باعىتتالعان ساپالى ءبىلىم الۋ ءۇشىن قاجەتتى جاعدايلار جاساۋ; 2) جەكە ادامنىڭ شىعارماشىلىق, رۋحاني جانە كۇش-قۋات مۇمكىندىكتەرىن دامىتۋ, ولاردى ىسكە اسىرۋ;3) ادامگەرشىلىك پەن سالاۋاتتى ءومىر سالتىنىڭ بەرىك نەگىزدەرىن قالىپتاستىرۋ, جەكە ادام دارالىعىن دامىتۋ ءۇشىن جاعدايلاردىڭ جاسالۋ جولدارى ارقىلى وي-ءورىسىن بايىتۋ; 4) ازاماتتىق پەن پاتريوتيزمگە, ءوز وتانى – قازاقستان رەسپۋبليكاسىنا دەگەن سۇيىسپەنشىلىككە, مەملەكەتتىك رامىزدەر مەن مەملەكەتتىك ءتىلدى قۇرمەتتەۋگە, حالىق داستۇرلەرىن قاستەرلەۋگە, كونستيتۋتسياعا قايشى جانە قوعامعا جات كەز كەلگەن كورىنىستەرگە نەمقۇرايدى قاراماۋعا تاربيەلەۋ; 5) بەلسەندى ازاماتتىق ۇستانىمى بار جەكە ادامدى تاربيەلەۋ, رەسپۋبليكانىڭ قوعامدىق-ساياسي, ەكونوميكالىق جانە مادەني ومىرىنە قاتىسۋ قاجەتتىگىن, جەكە ادامنىڭ ءوز قۇقىقتارى مەن مىندەتتەرىنە سانالى كوزقاراسىن قالىپتاستىرۋ; 6) بالالاردىڭ ەكولوگيالىق مادەنيەتىن تاربيەلەۋ, ولاردى تابيعاتتى قورعاۋ قىزمەتىنە تارتۋ;7) قوعام ومىرىنە بەيىمدەۋ; 8) ولاردىڭ بوس ۋاقىتىن مازمۇندى ۇيىمداستىرۋ بولىپ تابىلادى.4. بالالارعا ارنالعان قوسىمشا ءبىلىم بەرۋ ۇيىمدارىنىڭ تۇرلەرىنە:1) قوسىمشا ءبىلىم بەرۋدىڭ وقۋ-ادىستەمەلىك ورتالىعى;2) وقۋشىلار سارايى ء(ۇي, ورتالىق, كەشەن, بالالار جانە جاسوسپىرىمدەر شىعارماشىلىق ورتالىعى);3) جاس ناتۋراليستەر بەكەتى (بالالار ەكولوگيالىق ورتالىعى, بيولوگيالىق ورتالىق, ەكوبيوورتالىعى, بالالار جانە جاسوسپىرىمدەردىڭ ەكولوگيا جانە ولكەتانۋ ورتالىعى); 4) جاس تەحنيكتەر بەكەتى (ورتالىق, بالالار جانە جاسوسپىرىمدەردىڭ تەحنيكالىق شىعارماشىلىق مەكتەبى);5) جاس تۋريستەر بەكەتى (بالالار جانە جاسوسپىرىمدەر تۋريزم ورتالىعى, بالالار جانە جاسوسپىرىمدەردىڭ ەكولوگيا جانە تۋريزم ورتالىعى, بالالار جانە جاسوسپىرىمدەردىڭ تۋريزم جانە ولكەتانۋ ورتالىعى);6) بالالار اۋلا كلۋبى, بالالار اسكەري-پاتريوتتىق كلۋبى (باسقا دا كلۋبتىق دەمالىس ۇيىمدارى);7) بالالار ونەر مەكتەبى (بالالار مۋزىكا مەكتەبى, بالالار كوركەمونەر مەكتەبى, بالالار ونەر مەكتەبى جانە كوركەمدىك-ەستەتيكالىق باعىتتاعى باسقا مەكتەپتەر);8) بالالار ساۋىقتىرۋ لاگەرى (ورتالىق, كەشەن, قالا سىرتىن