كولدەنەڭ تابىسقا قۇنىققانداردىڭ ايلا-شارعىسى تەرەڭدەپ بارا جاتقاندىعى سونشالىق, ونىمەن وتباسىلىق توپتار دا اينالا باستاعانى قوعامدى الاڭداتىپ وتىر. وسىنداي جاعىمسىز وقيعا كوكشەتاۋدا دا تىركەلىپ, ەكونوميكالىق جانە سىبايلاس جەمقورلىق قىلمىسقا قارسى كۇرەس دەپارتامەنتى تاراپىنان اشكەرەلەندى.
كولدەنەڭ تابىسقا قۇنىققانداردىڭ ايلا-شارعىسى تەرەڭدەپ بارا جاتقاندىعى سونشالىق, ونىمەن وتباسىلىق توپتار دا اينالا باستاعانى قوعامدى الاڭداتىپ وتىر. وسىنداي جاعىمسىز وقيعا كوكشەتاۋدا دا تىركەلىپ, ەكونوميكالىق جانە سىبايلاس جەمقورلىق قىلمىسقا قارسى كۇرەس دەپارتامەنتى تاراپىنان اشكەرەلەندى.
ءبىر قىزىعى, ب.قاسىموۆ جەتەكشىلىك ەتكەن ۇيىمداسقان قىلمىستىق توپتىڭ قۇرامىنداعى س.قاسىموۆا جانە ب.امانوۆ ءوز قۇدىعىنا تۇكىرگىسى كەلمەگەندەي, كوكشەتاۋدى اينالىپ ءوتىپ, رەسپۋبليكامىزدىڭ وزگە وڭىرلەرىندەگى بەدەلدى مەكەمەلەرگە قارماق تاستاپ وتىرىپتى. ەڭ وكىنىشتىسى, سول ابىرويلى ۇجىمداردىڭ بارلىعى قيتۇرقىلىق قۇربانى بولىپ قالعاندارىن ەندى بايقاپ وتىر. ب.قاسىموۆتىڭ توبى 2012 جىلدىڭ مامىرى مەن 2013 جىلدىڭ اقپانى ارالىعىندا «كازۆودحوز» رمك ق.ساتباەۆ اتىنداعى كانالدىڭ, سەمەيدەگى «كونسۋلتاتيۆتى-دياگنوستيكالىق ورتالىعىنىڭ», پاۆلودارداعى «مەملەكەتتىك ۆەدومستۆودان تىس جوبالار ساراپتاماسى» كاسىپورنىنىڭ, ورالداعى «ينفورماتسيالىق تەحنولوگيالار كوللەدجىنىڭ», قوستانايداعى «سارىكول ورتالىق اۋرۋحاناسىنىڭ», اقتوبەدەگى «شالقار اۋداندىق ەمحاناسىنىڭ» جانە بيزنەستىڭ مايىن شاعىپ وتىرعان الماتى قالاسىنىڭ ءۇش مەملەكەتتىك مەكەمەسىنىڭ 11134700 تەڭگەسىن ەش قينالماي مايلى قورجىنعا سالا سالعان.
الدىن الا تەرگەۋ, سوت ساراپتاماسى, كۋالەر مەن كۇدىكتىلەردىڭ جاۋاپتارى بارىسىندا ۇيىمداسقان قىلمىستىق توپتىڭ جالعان كاسىپكەرلىك ارقىلى مەملەكەتتىك ساتىپ الۋ تەندەرلەرىنە قاتىسقاندىعى انىقتالىپ, جاسالعان قىلمىس تولىق مويىندارىنا ءىلىندى.
كوكشەتاۋ قالالىق سوتىنىڭ ۇستىمىزدەگى جىلعى 16 تامىزداعى ۇكىمىمەن ب.قاسىموۆ پەن ب.امانوۆتىڭ ارقايسىسى 7 جىل 6 ايعا, س.قاسىموۆا 6 جىلعا باس بوستاندىعىنان ايىرىلىپ, جازالارىن جالپى رەجىمدەگى كولونيادا وتەيتىن بولدى.
باقبەرگەن امالبەك,
«ەگەمەن قازاقستان».
اقمولا وبلىسى.