ەكۆادور قۇقىق قورعاۋ قىزمەتكەرلەرى جۇرگىزگەن ارنايى ءىس-شارا ناتيجەسىندە گۋاكيليا پورتىندا جالپى سالماعى ءۇش توننادان اساتىن كوكاين ەسىرتكىسى تابىلدى. بۇل تۋرالى جەرگىلىكتى ىشكى ىستەر دەپارتامەنتىنىڭ بەرگەن اقپارىنا سىلتەمە جاساعان يتار-تاسس حابارلادى.
پوليتسيا قىزمەتكەرلەرى الجير مەن يسپانياعا جول تارتقالى تۇرعان كەمەدەگى سۇرلەنگەن پالما وزەگى ساقتالعان ءۇش كونتەينەردى تەكسەرگەن. ناتيجەسىندە بۇل جەردەن 3,2 توننا كوكاين ەسىرتكىسى تابىلدى.
«كەيىنىرەك تۇتقىندالعاندار جايلى قوسىمشا اقپارات بەرەتىن بولامىز», – دەپ مالىمدەدى ىستەر دەپارتامەنتىنىڭ باسشىسى حوسە سەررانو.
ايدار ورىسباەۆ.