2020 جىلعى 4 ناۋرىزدا قازاقستاننىڭ ەستونياداعى ەلشىسى نۇرلان سەيتىموۆ ەستونيا رەسپۋبليكاسىنىڭ ەكس-پرەزيدەنتى (2001-2006 جج.), ەستونيا جوعارعى كەڭەسىنىڭ بۇرىنعى توراعاسى (1990-1992 جج.) ا.ريۋيتەلمەن كەزدەستى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
كەزدەسۋ بارىسىندا ا.ريۋيتەل كەڭەس وداعى كەزىندەگى جانە ەكى ەلدىڭ تاۋەلسىزدىگىنىڭ العاشقى قيىن جىلدارىنداعى قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.نازارباەۆپەن بولعان كەزدەسۋلەرىن جىلى ەسكە الىپ, قازىرگى قازاقستاننىڭ جەتىستىكتەرى مەن بەدەلىن اتاپ ءوتتى.
ەلشى سۇحباتتاسۋشىنى قازاقستانداعى بولىپ جاتقان ەكونوميكالىق جانە ساياسي وزگەرىستەر تۋرالى حاباردار ەتىپ, قازاقستان-ەستونيا قاتىناستارىن دامىتۋ پەرسپەكتيۆالارى جونىندە پىكىر الماستى.
اڭگىمە سوڭىندا ا.ريۋيتەل ەلباسىنا, ەل باسشىلىعىنا جانە بۇكىل قازاق حالقىنا ىزگى تىلەكتەرىن جەتكىزدى, ءبىزدىڭ مەملەكەتتەرىمىزدىڭ ەكىجاقتى ىنتىماقتاستىعى ودان ءارى نىعايا بەرەتىنىنە سەنىم ءبىلدىردى.