بۇگىن ورتالىق كوممۋنيكاتسيالار قىزمەتى الاڭىندا تۋريزم جانە سپورت مينيسترلىگى تۋريزم يندۋسترياسى كوميتەتى توراعاسىنىڭ مىندەتىن اتقارۋشى نۇربول بايجانوۆتىڭ قاتىسۋىمەن بريفينگ ءوتتى. ءباسپاسوز جيىنىندا تۋريزم سالاسىنىڭ دامۋ كورسەتكىشتەرى مەن ينۆەستيتسيالىق مۇمكىندىكتەرىن ارتتىرۋ باعىتىنداعى نەگىزگى باستامالار تانىستىرىلدى, دەپ جازادى Egemen.kz.
نۇربول بايجانوۆتىڭ ايتۋىنشا, 2025 جىلدىڭ قورىتىندىسى بويىنشا تۋريزم سالاسىنا سالىنعان ينۆەستيتسيا كولەمى 1 ترلن 256 ملرد تەڭگەنى قۇراپ, 2024 جىلمەن سالىستىرعاندا 32 پايىزعا ارتقان. ءوسىم جولاۋشىلار تاسىمالى, قوناق ءۇي جانە مەيرامحانا قىزمەتتەرى, سونداي-اق مادەنيەت پەن ويىن-ساۋىق باعىتتارىندا تىركەلگەن. قازىرگى تاڭدا مينيسترلىك 328 ينۆەستيتسيالىق جوبادان تۇراتىن ءتىزىمدى جاساقتادى. ولاردىڭ قاتارىندا ءىرى قوناق ءۇي جانە كۋرورتتى كەشەندەر, جول بويىنداعى سەرۆيس نىساندارى مەن ويىن-ساۋىق ينفراقۇرىلىمى بار.
حالىقارالىق ساراپشىلار الماتىنىڭ تاۋ ءتۋريزمىن دامىتۋعا قولداۋ ءبىلدىردى
سونداي-اق سالانى قولداۋ ماقساتىندا مەملەكەتتىك قولداۋ شارالارى ىسكە اسىرىلىپ جاتىر. 2025 جىلى سالاعا 2,7 ملرد تەڭگە كولەمىندە قولداۋ كورسەتىلگەن. ونىڭ ىشىندە تۋريستىك نىسانداردى سالۋ مەن جاڭعىرتۋ شىعىندارىنىڭ ءبىر بولىگىن وتەۋ, تۋريستىك اۆتوبۋستار مەن تاۋ شاڭعىسى كۋرورتتارىنا ارنالعان جابدىقتاردى ساتىپ الۋعا سۋبسيديا قاراستىرىلعان.
وتاندىق تۋريزمگە سالىنعان ينۆەستيتسيالار كولەمى 1,2 ترلن تەڭگەدەن استى
سونىمەن قاتار ءتۋريزمدى دامىتۋ تۇجىرىمداماسىن جاڭارتۋ جۇمىستارى قولعا الىنعان. ءىس-قيمىل جوسپارى ەلدىڭ نەگىزگى كۋرورتتى وڭىرلەرىندە جالپى قۇنى 600 ملرد تەڭگەدەن اساتىن 136 ينۆەستيتسيالىق جوبانى ىسكە اسىرۋعا باعىتتالعان 152 ءىس-شارانى قامتيدى.
تۋريزم تۇيتكىلدەرى: سوزدەن ىسكە كوشەتىن كەز كەلدى