الەۋمەتتىك جەلىلەردە 2026 جىلى تابىسى 232 مىڭ تەڭگەدەن تومەن وتباسىلارعا جانە بەلگىلى ءبىر اۋرۋى بار ازاماتتارعا 432 500 تەڭگە كولەمىندە بىرجولعى تولەم بەرىلەتىنى تۋرالى اقپارات تاراپ جاتىر. الايدا بۇل مالىمەت شىندىققا جاناسپايدى, دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ مينيسترلىگى قولدانىستاعى زاڭنامادا مۇنداي تولەم قاراستىرىلماعانىن ايتتى.
«مۇنداي حابارلامالاردى كوبىنەسە الاياقتار جەكە دەرەكتەرگە قول جەتكىزۋ ماقساتىندا پايدالاناتىنىن ازاماتتاردىڭ ەسىنە سالامىز», دەلىنگەن حابارلامادا.
كىمدەرگە 6 اي بويى الەۋمەتتىك تولەم بەرىلەدى؟
مينيسترلىكتىڭ مالىمەتىنشە, مەملەكەتتىك قولداۋ شارالارى تۋرالى رەسمي اقپارات تەك 1414 نومىرىنەن كەلەتىن SMS-حابارلامالار ارقىلى نەمەسە مەملەكەتتىك ورگانداردىڭ رەسمي ينتەرنەت-رەسۋرستارىندا جاريالانادى.
ايتا كەتەيىك, ادەيى جالعان اقپارات تاراتۋ قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىككە اكەپ سوعادى.
قوستانايدا تەرروريزم اكتىسى تۋرالى جالعان اقپارات بەرگەن ءجاسوسپىرىم جاۋاپقا تارتىلدى