استانا قالاسىندا وتەتىن قازاقستان قان تامىرلارى حيرۋرگتارى قوعامىنىڭ ءبىرىنشى سەزىنە قاتىسۋشىلار «تىلەپ قوبىز» سارايىندا بەينەكورسەتىلىم ارقىلى جۇرگىزىلەتىن وپەراتسيالارمەن تىكەلەي تانىساتىن بولادى, دەپ حابارلايدى رەسپۋبليكالىق مەديتسينالىق جەدەل جاردەم عىلىمي-زەرتتەۋ ورتالىعى.
استانا قالاسىندا وتەتىن قازاقستان قان تامىرلارى حيرۋرگتارى قوعامىنىڭ ءبىرىنشى سەزىنە قاتىسۋشىلار «تىلەپ قوبىز» سارايىندا بەينەكورسەتىلىم ارقىلى جۇرگىزىلەتىن وپەراتسيالارمەن تىكەلەي تانىساتىن بولادى, دەپ حابارلايدى رەسپۋبليكالىق مەديتسينالىق جەدەل جاردەم عىلىمي-زەرتتەۋ ورتالىعى.
حالىقارالىق ساراپشىلار قاتىساتىن رەسپۋبليكالىق ءبىرىنشى سەزد شەڭبەرىندە وتكىزىلەتىن شەبەرلىك كلاستارى جانە بەينەكورسەتىلىم ارقىلى ءجۇرگىزىلەتىن ۇلگى وپەراتسيالارى رەسپۋبليكالىق مەديتسينالىق جەدەل جاردەم عىلىمي-زەرتتەۋ ورتالىعىندا جانە №1 قالالىق اۋرۋحانانىڭ بازاسىندا جۇرگىزىلەتىن بولادى. بۇل شارالاردى 22 جانە 24 تامىز كۇندەرى ارالىعىندا وتكىزۋ جوسپارلانعان. الدىن الا حابارلانعانىنداي, قازاقستان قان تامىرلارى حيرۋرگتارى قوعامىنىڭ ءبىرىنشى سەزىنىڭ جۇمىسىنا رەسەي, وزبەكستان, ليتۆا, يزرايل جانە گەرمانيا مەملەكەتتەرىنىڭ بىلىكتى ساراپشىلارى قاتىسادى.
قازاقستان قان تامىرلارى حيرۋرگتارى قوعامىنىڭ ءبىرىنشى سەزى وسى باسقوسۋ اياسىندا قان تامىرلارىن ەمدەۋدىڭ بۇگىنگى تاڭداعى وزىق تەحنولوگيالارىن جانە ءتيىمدى عىلىمي ىزدەنىستەرىن قولجەتىمدى ەتۋدى كوزدەپ وتىر. ماڭىزدى باسقوسۋ بارىسىندا قازاقستاننىڭ ماماندارى شەتەلدەردەن كەلگەن بىلىكتى ماماندارمەن تاجىريبە الماسىپ, ءتيىمدى شەبەرلىك كلاستارىن وتكىزۋ جوسپارلانعان. سونىمەن بىرگە, ەمدەۋ ورتالىقتارى اقپاراتتار الماسىپ, تەوريالىق جانە تاجىريبە جۇزىندەگى بايلانىستارىن ودان ءارى نىعايتا تۇسەتىن بولادى.
«ەگەمەن-اقپارات».