ماڭعىستاۋ وبلىسىنداعى «ويماشا» پوليگونىندا قازاقستان قارۋلى كۇشتەرى قۇرلىق اسكەرلەرىنىڭ باس قولباسشىسى گەنەرال-لەيتەنانت مۇرات مايكەەۆتىڭ جەتەكشىلىگىمەن وتكىزىلگەن «باتىس-2013» جەدەل-تاكتيكالىق كوماندالىق-شتابتىق وقۋ-جاتتىعۋىنىڭ شەشۋشى كەزەڭى اياقتالدى.
ماڭعىستاۋ وبلىسىنداعى «ويماشا» پوليگونىندا قازاقستان قارۋلى كۇشتەرى قۇرلىق اسكەرلەرىنىڭ باس قولباسشىسى گەنەرال-لەيتەنانت مۇرات مايكەەۆتىڭ جەتەكشىلىگىمەن وتكىزىلگەن «باتىس-2013» جەدەل-تاكتيكالىق كوماندالىق-شتابتىق وقۋ-جاتتىعۋىنىڭ شەشۋشى كەزەڭى اياقتالدى.
وقۋ-جاتتىعۋدىڭ مازمۇنى بويىنشا قۇرلىق ءاسكەرلەرى اۋە قورعانىسى كۇشتەرىمەن, اسكەري-تەڭىز كۇشتەرىمەن جانە ۇقك شەكارا قىزمەتىمەن ءبىرلەسىپ, مەملەكەتتىك شەكاراداعى جانە قازاقستان رەسپۋبليكاسىنىڭ سۋ بولىگى سىزىعىنداعى جاعدايدى قالپىنا كەلتىردى. وقۋ-جاتتىعۋدا قۇرلىق اسكەرلەرىنىڭ ءبولىمشە كومانديرلەرى مەن باسقارۋ ورگاندارى قارسى شابۋىلدى جۇرگىزۋ بارىسىندا اسكەرلەردى باسقارۋ جانە شارتتى قارسىلاس تۇسىرگەن دەسانتتىڭ كوزىن جويۋ ءىس-شارالارى بويىنشا جاقسى تاجىريبە جيناقتاي الدى. قارۋلى كۇشتەر تۇرلەرىنىڭ, سونداي-اق, وزگە دە اسكەرلەر مەن اسكەري قۇرىلىمداردىڭ كەلىسىلگەن ءىس-قيمىلدارى جاتتىعۋدى وتكىزۋدىڭ شەشۋشى ءساتى بولدى.
قۇرلىق اسكەرلەرى باس قولباسشىسىنىڭ بەرگەن باعاسى بويىنشا بولىمشەلەر الدارىنا قويىلعان جاۋىنگەرلىك تاپسىرمالاردى ءساتتى ورىنداي الاتىندارىن تاجىريبە تۇرىندە كورسەتە الدى.
«ەگەمەن-اقپارات».