پارلامەنت سەناتىنىڭ دەپۋتاتى عاريفوللا ەسىم شىعىس قازاقستان وبلىسىنداعى شىعارماشىلىق قاۋىممەن كەزدەستى جانە م.اۋەزوۆتىڭ «قورعانسىزدىڭ كۇنى» اڭگىمەسىنىڭ كەيىپكەرىن ەسكە الۋ كەشىنە قاتىستى.
شاراعا قاتىسۋشىلار باستى كەيىپكەردىڭ قۇرمەتىنە ەسكەرتكىش قويۋعا نيەت ءبىلدىردى.
پارلامەنت سەناتىنىڭ دەپۋتاتى عاريفوللا ەسىم شىعىس قازاقستان وبلىسىنداعى شىعارماشىلىق قاۋىممەن كەزدەستى جانە م.اۋەزوۆتىڭ «قورعانسىزدىڭ كۇنى» اڭگىمەسىنىڭ كەيىپكەرىن ەسكە الۋ كەشىنە قاتىستى.
شاراعا قاتىسۋشىلار باستى كەيىپكەردىڭ قۇرمەتىنە ەسكەرتكىش قويۋعا نيەت ءبىلدىردى.
سونداي-اق سەناتورلار عاريفوللا ەسىم, ءادىل احمەتوۆ جانە ەرمەك جۇماباەۆ پاۆلودار وبلىسى, لەبياجى اۋدانىنداعى اققۋ اۋىلىندا وتكەن ۇلى ويشىل ابايدىڭ تۋعانىنا 168 جىل تولۋىنا ارنالعان شاراعا دا قاتىستى.
* * *
پارلامەنت سەناتىنىڭ دەپۋتاتى جابال ەرعاليەۆ اقمولا وبلىسىنىڭ ەڭبەكشىلدەر اۋدانىندا بولىپ, ايماقتىڭ الەۋمەتتىك-ەكونوميكالىق احۋالىمەن تانىستى جانە ول اۋداندىق ءماسليحاتتىڭ حح سەسسياسىنا قاتىستى.
ەلىمىزدىڭ اۋىل شارۋاشىلىعىنىڭ زور مۇمكىندىگى بار ەكەندىگىن ەلباسى ءوزىنىڭ «قازاقستان-2050» ستراتەگياسىندا اتاپ كورسەتتى. ءبىزدىڭ ەلىمىز قازىر استىق ءوندىرۋ مەن ونى ەكسپورتتاۋدا الەم بويىنشا الدىڭعى قاتارعا شىقسا, ەندى شەتەلدەرگە شىعارىلاتىن ەت ونىمدەرىنىڭ كولەمىن ارتتىرۋدى ماقسات ەتىپ وتىر. بۇعان قول جەتكىزۋ ءۇشىن ۇكىمەت تاراپىنان اۋىل شارۋاشىلىعىنا, اسىرەسە, مال شارۋاشىلىعىن وركەندەتۋگە ناقتىلى كومەك پەن قولداۋ كورسەتىلۋدە. «سىباعا» باعدارلاماسى بويىنشا اۋىل ادامدارىنا مال ساتىپ الۋعا ارزان نەسيەلەر بەرىلۋدە. مىنە, وسى مۇمكىندىكتەردى جەرگىلىكتى جەرلەردە ءتيىمدى پايدالانۋعا بارىنشا اتسالىسۋ كەرەك, – دەدى سەناتور.
* * *
پارلامەنت ءماجىلىسىنىڭ دەپۋتاتى, «نۇر وتان» حدپ فراكتسياسىنىڭ مۇشەسى ۇلاسبەك سادىبەكوۆ «وڭتۇستىك قازاقستان وبلىسىنداعى تاريحي ەسكەرتكىشتەردى ساقتاۋعا – پارتيالىق باقىلاۋ» تاقىرىبىنداعى دوڭگەلەك ۇستەل جۇمىسىنا قاتىستى.
تاريحي ەسكەرتكىشتەردىڭ جاعدايى, ولاردى ساقتاۋ مەن جاڭا ارتەفاكتىلەردى ىزدەۋ, وتانشىلدىققا تاربيەلەۋ ماسەلەلەرىن تالقىلاۋعا وبلىستىڭ جوعارى وقۋ ورىندارىنىڭ بەلگىلى تاريحشىلارى, ارحەولوگتارى, ەتنوگرافتارى مەن ساياساتتانۋشىلارى شاقىرىلدى. بۇگىنگى تاڭدا وقو اۋماعىندا تاريحي-مادەني مۇرا نىساندارىنىڭ جالپى سانى 1209-دى قۇرايدى. ونىڭ ىشىندە, ارحەولوگيالىق ەسكەرتكىشتەردىڭ سانى – 999 بولسا, ساۋلەت ەسكەرتكىشتەرىنىڭ سانى – 210. وبلىستا رەسپۋبليكالىق ماڭىزداعى 33 ەسكەرتكىش بار.
«نۇر وتان» حدپ وڭتۇستىك قازاقستان وبلىستىق فيليالى دوڭگەلەك ۇستەلدە وبلىس كولەمىندە اكتسيا وتكىزۋ ۇسىندى. اكتسيانىڭ باستى ماقساتى – جاڭا تاريحي كوزقاراستىڭ قالىپتاسۋىنا ىقپال ەتۋ.
ءماجىلىس دەپۋتاتى ۇلاسبەك سادىبەكوۆ وتىرىستا كوتەرىلگەن ماسەلەلەردىڭ ماڭىزدىلىعىنا توقتالىپ, بۇل باستاما تاريحي مۇرالاردى ساقتاۋعا, قورعاۋعا, دارىپتەۋگە ۇلكەن سەپتىگىن تيگىزەدى دەگەن سەنىم ءبىلدىردى.
* * *
پارلامەنت سەناتىنىڭ دەپۋتاتتارى راشيت احمەتوۆ پەن ەربولات مۇقاەۆ ەلىمىزدىڭ ايماقتارىنا ساپارى اياسىندا باتىس قازاقستان وبلىسىنىڭ جەتى اۋدانىندا بولادى. سەناتورلار قازىردىڭ وزىندە زەلەنوۆ جانە تەرەكتى اۋداندارىندا بولدى.
ساپار بارىسىندا دەپۋتاتتار كيروۆ-چيجين سۋ ارناسىن جاڭعىرتۋ بارىسىمەن تانىستى. بۇل جايىق – كوشىم جۇيەسىنەن ۇلكەن وزەنگە سۋ بەرۋگە ارنالعان ايدىنارالىق سۋ جىبەرۋ ستراتەگيالىق نىسانى بولىپ تابىلادى. ايدىنارالىق سۋ جىبەرۋگە جانە رەسەي فەدەراتسياسىنا سۋعا تاۋەلدىلىكتى ازايتۋعا ارنالعان ارنا جەدەل جاڭعىرتۋ جۇمىستارىن جۇرگىزۋدى قاجەت ەتەدى.
دەپۋتاتتار, سونداي-اق, بيۋدجەتارالىق قاتىناستاردى جانە جاڭا بيۋدجەت ساياساتىنىڭ تۇجىرىمداماسىن تالقىلاۋ ءۇشىن بيۋدجەت سالاسىنىڭ قىزمەتكەرلەرىمەن وبلىستىق ءماسليحات دەپۋتاتتارىمەن كەزدەسۋدى جوسپارلاپ وتىر.