اۋىلدارعا بارىپ, بالالاردى جاتتىقتىرۋدى جوسپارلاپ وتىر.
ەرىكتىلەر جىلىنا وراي شىعىس قازاقستاندا «اۋىلداعى جاز» جوباسى قولعا الىنباق. جوبا اياسىندا كاسىبي جاتتىقتىرۋشىلار جازعى دەمالىستا اۋىلدارعا بارىپ, بالالاردى جاتتىقتىرۋدى جوسپارلاپ وتىر. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى حابارلادى. «بۇل جوبا قازاقستان حالقى اسسامبلەياسىنىڭ «Tarbie» باعدارلاماسى اياسىندا ازىرلەندى. جوبا بارىسىندا جاتتىقتىرۋشىلار جازعى دەمالىس ورىندارىنا, بالالار ۇيىنە جانە اۋىلدارعا بارىپ, جاتتىعۋ جۇمىستارىن جۇرگىزەدى. سونداي-اق, ولار جەرگىلىكتى جاتتىقتىرۋشىلارعا دا ءدارىس وتكىزەدى. ءبىرىنشى كەزەكتە اۋدان ورتالىقتارى مەن قالالارعا ەمەس, شالعايداعى ەلدى-مەكەندەرگە باپكەرلەر جىبەرىلەتىن بولادى» دەدى وبلىستىق دەنە شىنىقتىرۋ جانە سپورت باسقارماسىنىڭ باسشىسى دەنيس رىپاكوۆ.
قازىر ۋاقىتتا اۋىلدار وتىنىشتەرىن جىبەرۋدە. كەلگەن وتىنىشتەرگە وراي ارنايى ءتىزىم جاسالىپ, جۇمىس جۇرگىزىلەدى.
شىعىس قازاقستان وبلىسى