بىلتىرعى جىلدى قورىتىندىلاعان الماتى قالالىق توتەنشە جاعدايلار دەپارتامەنتىنىڭ وكىلدەرى مەكتەپ وقۋشىلارى مەن كوللەدج تۇلەكتەرىن قاۋىپسىزدىك ەرەجەلەرىمەن تانىستىردى.
مەگاپوليس قۇتقارۋشىلارى ازاماتتىق قورعانىس كۇنى اياسىندا تۇرعىندارعا اۆاريالىق-قۇتقارۋ تەحنيكالارى, ءورت-تەحنيكالىق قۇرىلعىلارى مەن ءورت ءسوندىرۋ جابدىقتارىن كورسەتتى. ەرىكتىلەر توبى العاشقى مەديتسينالىق كومەك كورسەتۋ بويىنشا شەبەرلىك ساعاتىن وتكىزدى. وقۋشىلار ارنايى ترەناجەر-سيمۋلياتورداعى جەر سىلكىنىسى كەزىندە ناقتى يتەرمەلەۋدى سەزىنىپ, قۇتقارۋشىلاردىڭ ەڭ جوعارى ءورت كوتەرگىشىمەن 90 مەترگە دەيىن بيىكتىككە كوتەرىلدى.
«بۇل ءىس-شارانى ءبىز جىل سايىن ۇزبەي وتكىزىپ كەلەمىز. سونىڭ ىشىندە وقۋشىلار, الماتىنىڭ تۇرعىندارى دا وسى جەرگە كەلىپ, ءبارىن ءوز كوزدەرىمەن كورىپ, توتەنشە جاعداي بولعان كەزدە نە ىستەۋ كەرەكتىگىن ۇيرەنەدى», – دەيدى قالالىق توتەنشە جاعدايلار دەپارتامەنتى قۇتقارۋ قىزمەتى ديرەكتورىنىڭ ورىنباسارى ەرجان قاڭلىباەۆ.