ەلىمىزدىڭ ايتۋلى مەرەكەسى – كونستيتۋتسيا كۇنىنە وراي استانادا بىرقاتار مادەني جانە مەرەكەلىك ءىس-شارالار وتەدى.
ەلىمىزدىڭ ايتۋلى مەرەكەسى – كونستيتۋتسيا كۇنىنە وراي استانادا بىرقاتار مادەني جانە مەرەكەلىك ءىس-شارالار وتەدى.
ءىس-شارالار جوسپارىنا سايكەس, 16 تامىزدان باستاپ قازىرگى زامانعى ونەر مۇراجايىندا «مەنىڭ ەلىم, مەنىڭ ەلوردام» اتتى كورمە, ال №5570 اسكەري بولىمىندە قازىرگى زامانعى ونەر مۇراجايىنىڭ «باتىرلار – وتان قورعاۋشىلار» دەپ اتالاتىن كوشپەلى كورمە ۇيىمداستىرىلادى. مەرەكەلىك شارالار كەستەسى «اتامەكەن» ەتنو-مەموريالدىق كەشەنىندە قازاقستان رەسپۋبليكاسىنىڭ كونستيتۋتسياسى كۇنىنە ورايلاستىرىلعان «ازات ەلدىڭ ار-نامىسى – اتا زاڭ» تاقىرىبىنداعى دوڭگەلەك ۇستەلمەن جالعاسادى.
«الجير» مۇراجايىندا ەلوردا تۇرعىندارى مەن قوناقتارىنىڭ نازارىنا 29 تامىز – 5 قىركۇيەك ارالىعىندا «تاريح – تانىم ايناسى» بەينەكورىنىسى ۇسىنىلادى. 29 تامىزدا بەيبىتشىلىك جانە كەلىسىم سارايىندا عىلىمي كونفەرەنتسيا وتكىزىلىپ, «قازاقستان» ورتالىق كونتسەرت زالىندا مەملەكەتتىك مەرەكەگە وراي مەرەكەلىك كونتسەرت ۇيىمداستىرىلادى.
30 تامىزدا قالا تۇرعىندارى مەن قوناقتارى ءۇشىن استانانىڭ ورتالىق الاڭىندا بۇقارالىق-مادەني شارالار ۇيىمداستىرىلىپ, ارنايى دايىندالعان مەرەكەلىك كونتسەرت كورسەتىلەدى.
جىلقىباي جاعىپار ۇلى,
«ەگەمەن قازاقستان».