بيىل قازاقستاندا وتكەن جىلعىدان 1,5 ەسە كوپ استىق جينالادى.كەشە وسىنى مالىمدەگەن اۋىل شارۋاشىلىعى ءمينيسترى اسىلجان مامىتبەكوۆ ءۇش ءوڭىردىڭ ديقاندارى 704,5 مىڭ گەكتار القاپتىڭ استىعىن جيناپ العانىن ايتتى. استىقتىڭ ورتاشا شىعىمدىلىعى گەكتارىنا 16,5 تسەنتنەردى قۇراپ وتىر.
بيىل قازاقستاندا وتكەن جىلعىدان 1,5 ەسە كوپ استىق جينالادى.كەشە وسىنى مالىمدەگەن اۋىل شارۋاشىلىعى ءمينيسترى اسىلجان مامىتبەكوۆ ءۇش ءوڭىردىڭ ديقاندارى 704,5 مىڭ گەكتار القاپتىڭ استىعىن جيناپ العانىن ايتتى. استىقتىڭ ورتاشا شىعىمدىلىعى گەكتارىنا 16,5 تسەنتنەردى قۇراپ وتىر.
الماتى وبلىسىندا «قاستەك» جاڭا شەكارا بەكەتى اشىلدى. ۇقك توراعاسى نۇرتاي ابىقاەۆتىڭ قاتىسۋىمەن وتكەن راسىمدە جىل سوڭىنا دەيىن وڭتۇستىك جانە شىعىس ۋچاسكەلەرىندە نىساندار اشىلاتىنى بەلگىلى بولدى.
وڭتۇستىك قازاقستانداعى اۋىلداردا گاز قۇبىرلارى جاڭارتىلىپ جاتىر. «قازترانسگازايماق» كومپانياسى قالاداعى 940 شاقىرىمدىق گاز جەلىلەرىن الماستىرۋعا كىرىستى. قازىردىڭ وزىندە 190 شاقىرىمدىق جوعارى قىسىمداعى گاز قۇبىرى اۋىستىرىلدى.
اقمولا وبلىسىندا سىيىمدىلىعى 32 مىڭ توننالىق استىق قويماسى پايدالانۋعا بەرىلدى. «قازاگروقارجى» كومپانياسىنىڭ قارجىلىق قولداۋىمەن جاڭعىرتىلعان «توڭكەرىس» كاسىپورنىنىڭ استىق ساقتاۋ قويماسىنا 289,3 ملن. تەڭگە جۇمسالدى.
كەشە شىعىس قازاقستان وبلىسىنىڭ قاراۋىل اۋىلىندا «شىڭعىستاۋ-2013» رەسپۋبليكالىق جارمەڭكەسى بولىپ ءوتتى. وبلىس اكىمى بەردىبەك ساپارباەۆتىڭ باستاماسى بويىنشا ۇيىمداستىرىلعان شاراعا رەسەيدىڭ ىرگەلەس التاي ولكەسى مەن التاي رەسپۋبليكاسىنان, موڭعوليادان, سونداي-اق, قازاقستاننىڭ 7 وبلىسىنان وكىلدەر قاتىستى.
قوستاناي ستانساسى كەشە ءجۇز جىلدان كەيىن ءبىرىنشى رەت ەلەكتروۆوز قابىلدادى. ول 2011 جىلى باستالعان ۇزىندىعى 46 شاقىرىمدىق قوستاناي-جەلەزنورۋدنايا جەلىسى ارالىعىنداعى تەمىر جولدىڭ بىتۋىنە بايلانىستى جۇزەگە استى.
اقتوبەدە ءشامشى قالداياقوۆتىڭ تۋعان كۇنىنە وراي ونىڭ اتىنداعى كوشەگە مەموريالدى تاقتا ورناتىلدى. بۇل ءراسىمدى مادەنيەت سالاسىنىڭ ارداگەرى وتەمىس اكىموۆ پەن كومپوزيتوردىڭ ۇلى مۇحتار قالداياقوۆ جاسادى.
قىزىلوردادا «سىر ءۇمىتى» سىيلىعىنىڭ جاڭا يەگەرلەرى انىقتالدى. ولاردىڭ قاتارىندا وبلىستىڭ 10 ۇكىلى ءۇمىتى بار.
«قازاقپارات», «قازاقستان جاڭالىقتارى», Bnews.kz,
TengriNews, EgemenNews حابارلارى بويىنشا دايىندالدى.