قازاقستاندىق اۆتوموبيل جولدارى سالاسىنىڭ ماماندارى رەسەيدىڭ استراحان قالاسىندا وتكەن حالىقارالىق عىلىمي-تاجىريبەلىك كونفەرەنتسياعا قاتىستى. شارا اياسىندا بىرنەشە ەلدەن كەلگەن 200-گە جۋىق ساراپشى اۆتوموبيل جولدارى سالاسىن ءتيىمدى دامىتۋدىڭ امالدارى مەن جولدارىن تالقىلادى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.
كۇن تارتىبىنە قويىلعان باستى سۇراق – شاعىن جانە ورتا كوپىر قۇرىلىستارىن جوندەۋ جانە رەكونسترۋكتسيالاۋ جۇمىستارىن ۇيىمداستىرۋ. بۇگىنگى تاڭدا اتالمىش ماسەلە كونفەرەنتسياعا قاتىسقان ءار ەل ءۇشىن وتە وزەكتى. قازاقستان, رەسەي جانە گەرمانيا وكىلدەرى كوپىرلەردى جوندەۋگە قاتىستى سۇراقتاردى شەشۋ تاجىريبەسىمەن ءبولىسىپ, ءوز ەلدەرىندەگى اۆتوموبيل جولدارى جانە كولىك سالالارىن دامىتۋدىڭ نەگىزگى باعىتتارى تۋرالى ايتىپ بەردى. سونداي-اق, كەزدەسۋ بارىسىندا كادرلىق الەۋەت, تسيفرلاندىرۋ, جوبالىق-سمەتالىق قۇجاتتامانى ازىرلەۋ, كوپىر قۇرىلىستارىن دياگنوستيكادان وتكىزۋ جانە كۇتىپ ۇستاۋ ماسەلەلەرى قارالعان بولاتىن.
ايتا كەتۋ كەرەك, بۇگىنگى تاڭدا قازاقستانداعى رەسپۋبليكالىق ماڭىزعا يە اۆتوموبيل جولدارىندا 1277 كوپىر بار. 2019 جىلى 5 كوپىر كۇردەلى جوندەۋدەن وتكىزىلدى. بيىل جاڭا 148 كوپىر سالىنىپ, 5 كوپىر كۇردەلى جوندەۋدەن وتەتىن بولادى.