1980 جىلعى لەيك-پلەسيد قىسقى وليمپياداسىندا اقش سپورتشىسى ەريك حايدەن كونكيمەن جۇگىرۋدەن 5 قاشىقتىقتىڭ بارىندە التىن الىپ, رەكورد ورناتتى. بۇرىن-سوڭدى ءبىر قىسقى وليمپيادادا ءبىر سپورتشى مۇنشالىقتى كوپ التىن العان ەمەس.
ەڭ كەرەمەتى, ول قىسقا سپرينتتەن (500 م) باستاپ ۇزاق قاشىقتىققا (10 000 م) دەيىن ءبارىن ايقىن باسىمدىقپەن ۇتتى. ونىڭ ۇستىنە, حايدەن سول ويىندارداعى ءار قاشىقتىقتا وليمپيالىق رەكورد ورناتىپ وتىرعان. سودان بەرى قانشا قىسقى وليمپيادا ءوتتى, قانشا چەمپيون شىقتى. بىراق ءبىر ويىننىڭ ىشىندە ءبىر سپورتشىنىڭ بەس التىندى تولىق قانجىعاعا بايلاۋى ءالى كۇنگە دەيىن كەزدەسكەن جوق.