قاتار مەملەكەتىندەگى قازاقستان رەسپۋبليكاسىنىڭ مادەنيەت كۇندەرى اياقتالدى. ءىس-شارا اياسىندا دوحا قالاسىنىڭ تۇرعىندارى مەن قوناقتارى ەلىمىزدىڭ مادەني مۇراسى, داستۇرلەرى مەن زاماناۋي ونەرىمەن تانىستى.
نەگىزگى ءىس-شارالار دارب ءال-ساعي مادەني-تاريحي ورتالىعىندا ءوتتى. مۇندا ءساندى-قولدانبالى ونەر كورمەلەرى, ۇلتتىق ءارى زاماناۋي ديزاينەرلىك جۇمىستار, سونداي-اق قازاقستان رەسپۋبليكاسى ۇلتتىق مۋزەيىنىڭ ەكسپوزيتسياسى ۇسىنىلدى.
باعدارلاما بارىسىندا ۇلتتىق داستۇرلەر مەن سپورت تۇرلەرى كورسەتىلدى. ونىڭ ىشىندە شەتەلدىك كورەرمەن ساداق اتۋ, قۇسبەگىلىك جانە قازاقتىڭ تازى تۇقىمدى يتتەرىمەن, اڭشىلىق ونەرىمەن, كوشپەلى وركەنيەت مادەنيەتىمەن تەرەڭىرەك تانىستى.
كوپشىلىكتىڭ كوڭىلىنەن شىققان مادەني ءىس-شارالاردىڭ ءبىرى وتاندىق ونەرپازداردىڭ قاتىسۋىمەن وتكەن كونتسەرت بولدى. اتاپ ايتساق, «Mezzo» ۆوكالدىق توبى مەن «جوشى» ەتنو-فولكلورلىق ءانسامبلى الەمدىك كلاسسيكا مەن ۇلتتىق مۋزىكالىق مۇرانى ۇيلەستىرىپ, ەرەكشە تۋىندىلار ۇسىندى.
قاتارداعى قازاقستان مادەنيەت كۇندەرىنىڭ ۇيىمداستىرىلۋى ەكى ەل اراسىنداعى مادەني ديالوگتى نىعايتىپ, وتاندىق مادەنيەتتى حالىقارالىق دەڭگەيدە ناسيحاتتاۋعا ىقپال ەتتى. الداعى ۋاقىتتا قازاقستاندا قاتار مەملەكەتىنىڭ مادەنيەت كۇندەرىن وتكىزۋ جوسپارلانعان.