مىنە, ءبىلىم تەڭىزىندە ەلىمىزدىڭ مىڭداعان جاس جەتكىنشەكتەرى اق جەلكەندەرىن جەلبىرەتەتىن جاڭا وقۋ جىلىنىڭ باستالۋىنا دا ساناۋلى كۇندەر قالدى. بيىل 1 قىركۇيەك – حالىقارالىق ءبىلىم مەرەكەسى جەكسەنبى كۇنىنە تۇسپا-تۇس كەلىپ تۇر. سوعان قاراماستان ەلىمىزدىڭ بارلىق ءبىلىم وشاقتارى بۇل كۇنى شادىمان شاتتىق قۇشاعىندا بولادى.
مىنە, ءبىلىم تەڭىزىندە ەلىمىزدىڭ مىڭداعان جاس جەتكىنشەكتەرى اق جەلكەندەرىن جەلبىرەتەتىن جاڭا وقۋ جىلىنىڭ باستالۋىنا دا ساناۋلى كۇندەر قالدى. بيىل 1 قىركۇيەك – حالىقارالىق ءبىلىم مەرەكەسى جەكسەنبى كۇنىنە تۇسپا-تۇس كەلىپ تۇر. سوعان قاراماستان ەلىمىزدىڭ بارلىق ءبىلىم وشاقتارى بۇل كۇنى شادىمان شاتتىق قۇشاعىندا بولادى.
جىل سايىنعى داستۇرگە سايكەس ەلوردامىزدىڭ بارلىق مەكتەپتەرىندە وقۋشىلاردىڭ, مۇعالىمدەردىڭ جانە اتا-انالاردىڭ قاتىسۋىمەن سالتاناتتى جيىندار, مەرەكەلىك ءىس-شارالار ۇيىمداستىرىلادى. بارلىق مەكتەپتەردە بۇل كۇنى «پاتريوتيزم ساباقتارى» وتەدى. جاڭا وقۋ جىلىندا استانا قالاسىنىڭ 12 مىڭعا جۋىق ءبۇلدىرشىنى مەكتەپ تابالدىرىعىن العاش اتتايدى. بۇل تۋرالى astana.kz سايتىنا قالالىق ءبىلىم باسقارماسى حابارلادى.
بيىلعى وقۋ جىلىندا ەلىمىزدىڭ باس قالاسىندا 82 مەكتەپ وقۋشىلارعا ەسىگىن ايقارا اشادى. قالامىزداعى 70 مەملەكەتتىك جانە 12 جەكە مەنشىك مەكتەپتەردە 86 663 وقۋشى ءبىلىم نارىنەن سۋسىندايتىن بولادى. ەلورداداعى بارلىق مەكتەپتەر جاڭا وقۋ جىلى قارساڭىندا جان-جاقتى جاراقتالىپ, كۇردەلى جوندەۋلەردەن وتكىزىلدى. جاڭعىرۋ مەن جاڭارۋ ءيىسى اڭقىعان ءبىلىم ۇيالارى ءوز شاكىرتتەرىن كۇتۋدە.
24 جانە 30 تامىزدا استانا قالاسىنىڭ ورتالىق الاڭىندا «مەكتەپكە جول» اتتى ءداستۇرلى رەسپۋبليكالىق اكتسيا اياسىنداعى مەكتەپ جارمەڭكەسى وتەدى. بيىل جارمەڭكەگە استانا, الماتى, قاراعاندى, شىمكەنت قالالارىنان 28 كاسىپكەر قاتىسادى. اكتسيا بارىسىندا مەكتەپ فورماسى, وقۋلىقتار, بالالارعا ارنالعان وي-سانانى دامىتاتىن كىتاپتار, سومكەلەر, پورتفەلدەر, ريۋكزاكتار, كەڭسە زاتتارى, مەكتەپكە ارنالعان اياق كيىم مەن كۇرتەشەلەر جانە باسقا دا مەكتەپكە قاجەتتى ونىمدەر ساتىلادى. بۇل ءداستۇرلى جارمەڭكەلەردە مەكتەپ فورماسىن 50 پايىزعا, مەكتەپكە ارنالعان سىزۋ-جازۋ قۇرالدارىن 30 پايىزعا تومەندەتىلگەن باعامەن ساتىپ الۋعا بولادى. سونىمەن قاتار, قالالىق اكىمدىك جانىنداعى ورتالىق الاڭدا جارمەڭكەگە ورايلاستىرىلعان وقۋشىلار سارايى, مۋزىكا جانە ونەر مەكتەپتەرى وقۋشىلارىنىڭ قاتىسۋىمەن كونتسەرت كورسەتىلەدى.
نياز جىلقىباەۆ.