وسى ماسەلە توڭىرەگىندە تارتىپتىك كەڭەس مۇشەلەرى قۇپيا قالتارىسى كوپ شىتىرمان وقيعاعا كەزىككەندەي بولدى.
مەملەكەتتىك قىزمەت ىستەرى اگەنتتىگى وبلىستىق دەپارتامەنتىنىڭ جاڭادان تاعايىندالعان باسشىسى مۇرات قادىربەكتىڭ توراعالىعىمەن وتكەن تارتىپتىك كەڭەستىڭ كەزەكتى وتىرىسىندا التى ماسەلە قارالسا, بەسەۋى مەملەكەتتىك قىزمەتشىلەرگە قاتىستى تارتىپتىك ىستەر بولىپ شىقتى. سوعان قاراعاندا, ار-نامىس كودەكسى تالاپتارىن ورەسكەل بۇرمالايتىن شەنەۋنىكتەر قاتارى ازايۋدىڭ ورنىنا كوبەيىپ بارا ما دەپ ويلاپ قالاسىڭ.
وسى ماسەلە توڭىرەگىندە تارتىپتىك كەڭەس مۇشەلەرى قۇپيا قالتارىسى كوپ شىتىرمان وقيعاعا كەزىككەندەي بولدى.
مەملەكەتتىك قىزمەت ىستەرى اگەنتتىگى وبلىستىق دەپارتامەنتىنىڭ جاڭادان تاعايىندالعان باسشىسى مۇرات قادىربەكتىڭ توراعالىعىمەن وتكەن تارتىپتىك كەڭەستىڭ كەزەكتى وتىرىسىندا التى ماسەلە قارالسا, بەسەۋى مەملەكەتتىك قىزمەتشىلەرگە قاتىستى تارتىپتىك ىستەر بولىپ شىقتى. سوعان قاراعاندا, ار-نامىس كودەكسى تالاپتارىن ورەسكەل بۇرمالايتىن شەنەۋنىكتەر قاتارى ازايۋدىڭ ورنىنا كوبەيىپ بارا ما دەپ ويلاپ قالاسىڭ. ع.مۇسىرەپوۆ اۋداندىق سوتى قۇرىلىسى اياقتالعان تۇرعىن ءۇيدى پايدالانۋعا قابىلداۋ تۋرالى جالعان اكت رەسىمدەپ, تىركەۋدەن وتكىزگەن قۇرىلىس ءبولىمىنىڭ باسشىسى م.شامشەتوۆتىڭ ارەكەتىن م ۇلىكتىڭ زاڭدى يەسىنىڭ تالابىمەن زاڭسىز دەپ تاپقان. ول وسى قىلىعىنا وراي لايىقتى جازاسىن الۋى كەرەك ەدى. بىراق تارتىپتىك جازا قولدانۋ مەرزىمىنىڭ ءوتىپ كەتۋىنە بايلانىستى تالقىلاۋمەن شەكتەلىپ, جازادان امان قالدى. ال سوتتىڭ جەكە ۇيعارىمىنا جاۋاپتى ۋاقىتىلى بەرۋدىڭ ورنىنا باقانداي 6 ايعا دەيىن سوزبالاقتاپ ءجۇرىپ العانى ءۇشىن اۋدان اكىمىنىڭ كەڭەسشىسى ءانۋار الىمعوجينگە ەسكەرتۋ جاريالاۋ ۇسىنىلدى. اۋدان اكىمىنىڭ ورىنباسارى نيكولاي ماتسەدوننىڭ تارتىپتىك ءىسى تالقىلاۋمەن اياقتالدى.
ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىنىڭ ۇسىنىمىنا سايكەس پەتروپاۆل قالاسى بويىنشا سالىق باسقارماسىنىڭ باس مامانى جاندوس نۇرعاليەۆقا قاتىستى ماسەلە قارالعاندا تالقىلاۋ قىزىپ سالا بەردى. ءتيىستى ورگاننىڭ ماتەريالدارى بويىنشا ول ءوز وكىلەتتىگىن اسىرا پايدالانۋ ارقىلى ماتەريالدىق جاعدايىن جاقسارتۋدى كوزدەگەن. جەكە كاسىپكەر پوەدينوككە جەر سالىعىنا قوسىلعان 170 مىڭ تەڭگە ايىپپۇل تولەۋ كومەگىن ۇسىنىپ, جەكە كولىگىنىڭ جوندەۋ جۇمىستارىنا 30 مىڭ تەڭگە تالاپ ەتكەن. الايدا, كۇدىكتىنىڭ كىناسىن دالەلدەۋ قيىنعا تۇسكەن ءتارىزدى. سول سەبەپتى قىلمىستىق ءىستى قىسقارتۋعا تۋرا كەلگەن. ول دا «كاسىپكەردىڭ ايىپپۇلدى وتەۋگە قاراجاتى جەتپەگەندىكتەن, قارىزبەن قارايلاسىپ ەدىم. كەيىن الماققا ارەكەتتەندىم. ءتيىستى ورىندارعا ارىزداناتىنىن بىلگەن جوقپىن», دەپ قانشا اقتالۋعا تىرىسقانىمەن, ەشكىمدى يلاندىرا المادى. تانىمايتىن, بىلمەيتىن ادامنىڭ قولىنا قوماقتى اقشانى ۇستاتا سالۋى تارتىپتىك كەڭەس مۇشەلەرىن قاتتى تاڭداندىرعان سەكىلدى. 30 مىڭ تەڭگە قارىز با, الدە پارا ما دەگەن سۇراق شەشۋسىز قالدى. باس مامانىڭ بۇل ارەكەتى سىبايلاس جەمقورلىققا جاعداي تۋدىرۋشىلىق رەتىندە باعالانىپ, قىزمەتتەن شەتتەتۋ تۋرالى ۇسىنىس ءبىراۋىزدان قابىلداندى.
تارتىپتىك كەڭەس مۇشەلەرى اقجار اۋدانىنا قاراستى تالشىق ورتا مەكتەبىنىڭ ديرەكتورى سامال بەكباەۆانى قىزمەتىنەن بوساتۋ تۋرالى ۇيعارىم جاسادى. ونىڭ زاڭ تالاپتارىن ورەسكەل بۇزا وتىرىپ, مادەنيەت ۇيىندە ادىستەمەشى قىزمەتىن اتقاراتىن ا. اۋعانباەۆا دەگەن تانىسىن ورىس ءتىلى جانە ادەبيەتى ءپانى مۇعالىمدىگىنە قابىلداعانى, 89 ساباقتىڭ جارتىسىنا جۋىعىن وتكىزبەسە دە, تولىق جالاقى تولەنگەنى پەداگوگ دەگەن قاسيەتتى اتقا جاراسىپ تۇرعان جوق.
وبلىستىق قارجىلىق باقىلاۋ ينسپەكتسياسى م.جۇماباەۆ اۋدانى تۇرعىن ءۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمىنىڭ ءبىر توپ قىزمەتكەرىنىڭ مەملەكەتتىك ساتىپ الۋ تۋرالى زاڭناماسىن ورەسكەل بۇزىپ, بەيمالىم كاسىپكەر اۆتوموبيل جولدارىن كۇتىپ ۇستاۋ جونىندەگى كونكۋرس جەڭىمپازى بولىپ شىعا كەلگەنىن اشكەرەلەگەن. ونىڭ سىبايلاس جەمقورلىققا جاعداي تۋدىراتىن قۇقىق بۇزۋشىلىق بەلگى بار دەگەن ۇسىنىسى قولداۋ تاۋىپ, ءتيىستى شارا قولدانۋ ءۇشىن ءىستى پروكۋراتۋراعا جولداۋعا شەشىم الىندى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.