ەلباسىنىڭ جارلىعىنا سايكەس, ءاربىر جىلعى تامىزدىڭ ءۇشىنشى جەكسەنبىسى ءبىزدىڭ ەلىمىزدە سپورت كۇنى رەتىندە اتالىپ وتىلەدى. بۇل مەرەكە بيىلعى جىلى 18 تامىزعا تۋرا كەلىپ وتىر. ءبىز وسى ايتۋلى كۇننىڭ قارساڭىندا سپورت جانە دەنە شىنىقتىرۋ ىستەرى اگەنتتىگىنىڭ توراعاسى ەرلان قوجاعاپانوۆپەن سۇحبات قۇرعان ەدىك.
ەلباسىنىڭ جارلىعىنا سايكەس, ءاربىر جىلعى تامىزدىڭ ءۇشىنشى جەكسەنبىسى ءبىزدىڭ ەلىمىزدە سپورت كۇنى رەتىندە اتالىپ وتىلەدى. بۇل مەرەكە بيىلعى جىلى 18 تامىزعا تۋرا كەلىپ وتىر. ءبىز وسى ايتۋلى كۇننىڭ قارساڭىندا سپورت جانە دەنە شىنىقتىرۋ ىستەرى اگەنتتىگىنىڭ توراعاسى ەرلان قوجاعاپانوۆپەن سۇحبات قۇرعان ەدىك.
– ەرلان توقتارحان ۇلى, قازاقستاننىڭ ابىرويىن اسپانعا كوتەرگەن لوندون وليمپياداسىنىڭ تاريح قويناۋىنا ەنگەنىنە دە جىلعا جۋىق ۋاقىت بولىپ قالدى. ەندى سول جەتكەن بيىكتى ۇستاپ تۇرۋدىڭ دا وڭاي سوقپايتىنى انىق. ال, الدا قىسقى وليمپيالىق ويىندار كەلە جاتىر. سول بايراقتى باسەكەدەن ءبىزدىڭ كۇتەرىمىز قانشالىقتى قوماقتى بولماق؟
– وتە دۇرىس ايتاسىز. ءبىزدىڭ سپورتشىلارىمىزدىڭ لوندون وليمپيالىق ويىندارىندا شىنىندا دا جۇلدىزى جارقىراي جاندى. ونداعى جەتىستىك ءبىزدىڭ ءبارىمىزدىڭ كۇتكەندەگىمىزدەن الدەقايدا اسىپ ءتۇستى. ول وليمپيادا سپورتتىڭ شىن مانىندە ەلدىڭ ەڭسەسى, مەملەكەتتىڭ مەرەيى ەكەنىن تانىتىپ بەردى. تۋرا توپشىلاپ وتىرسىز, كەلەسى سونداي الاماندا ءدال سول دەڭگەيدەگى تولاعاي تابىستى قايتالاۋىمىز ەندى قيىنعا سوعادى. مۇنىڭ الداعى جىلدىڭ باسىندا رەسەيدىڭ سوچي قالاسىندا وتەتىن قىسقى ويىندارعا دا قاتىسى بار. بىردەن ايتىپ قويايىن, ول ءدۇبىرلى دودادان كۇتەرىمىز ونشالىقتى وراسان زور ەمەس. ونىڭ جان-جاقتى سەبەبى بار. بۇل ءۇشىن مىنانى ايتسام دا جەتكىلىكتى عوي دەپ ويلايمىن. ءبىز وسىنىڭ الدىنداعى ۆانكۋۆەردە بار-جوعى 1 كۇمىس مەدالعا عانا قول جەتكىزدىك. سوچيدە دە جۇلدەلى ورىندار ءۇشىن تالاسقا 5-6 سپورتشىمىز ارالاسادى دەگەن ءۇمىت بار. سولاردىڭ اراسىنان كونكي سپورتىنان بيىل عانا الەم چەمپيونى بولعان دەنيس كۋزين مەن مانەرلەپ سىرعاناۋشى دەنيس تەنگە ايرىقشا سالماق ارتامىز. ازىرگە ءبىز وسى وليمپياداعا 40 ليزەنتسيا جەڭىپ الۋ جولىندا كۇرەسىپ جاتىرمىز. قازىر سپورتشىلارىمىز شتاتتىق رەجىمدە دايىندالۋ ۇستىندە. ەگەر سوچيدە بۇرىنعى ءبىر مەدالدىق كورسەتكىشىمىزدى ەكەۋگە جەتكىزسەك, بىزدەر ءۇشىن سونىڭ ءوزى ەلەۋلى ىلگەرى جىلجۋشىلىق بولار ەدى. ويتكەنى, قالاي ايتقاندا دا, قازاقستان ازىرگە الەمدەگى قىسقى سپورت تۇرلەرى بارىنشا دامىعان ەلدەردىڭ قاتارىنا قوسىلىپ ۇلگەرگەن جوق.
– وسى ورايدا ەلىمىزدە بۇقارالىق سپورتتى وركەندەتۋ ماسەلەسىنە توقتالماي وتە الماس ەدىك. ونىڭ ۇستىنە, مەملەكەت باسشىسى 2020 جىلعا دەيىن سپورتپەن بەلسەندى شۇعىلداناتىن جۇرتشىلىق سانىن 30 پايىزعا جەتكىزۋ مىندەتىن قويىپ وتىر.
– بۇل جەردە ءبارى تۇسىنىكتى بولۋى ءۇشىن اڭگىمەنى ستاتيستيكالىق مالىمەتتەردى كەلتىرە وتىرىپ ساباقتاستىرعانىم ءجون شىعار. مىناعان قاراڭىز: 2007 جىلى رەسپۋبليكادا دەنە شىنىقتىرۋمەن جانە سپورتپەن شۇعىلدانعان حالىق سانى 15 پايىزدى قۇراعان بولسا, بۇل كورسەتكىش 2012 جىلدىڭ قورىتىندىسىندا 21,6 پايىزعا جەتىپ جىعىلدى. دەمەك, 7 پايىزعا جۋىق ءوسىم بولعان. وسىعان قاراپ, ەندىگى قالعان 7-8 جىلدا تاعى 8 پايىزدىق بەلەستى باعىندىرۋعا ابدەن بولادى عوي دەپ ويلايمىن. بۇعان بىزدە بارلىق العىشارتتار بار. قازىرگى تاڭدا ءتۇرلى دەڭگەيدەگى اكىمدىكتەرمەن جانە باسقا دا مەملەكەتتىك مەكەمەلەرمەن بىرلەسىپ, بالالارعا ارنالعان اۋلا كلۋبتارىنىڭ جەلىسىن كەڭەيتۋ, سپورت سەكتسيالارىنىڭ ءتۇرى مەن سانىن ۇلعايتۋ, ءاربىر مەكتەپتە سپورت كلۋبتارىن اشۋ جونىندە ءپارمەندى جۇمىستار جۇرگىزىلۋدە. مۇنىڭ سىرتىندا بىرقاتار تانىمال كوماندالىق سپورت تۇرلەرى بويىنشا مەكتەپتەردىڭ ليگالىق جارىستارىن ۇيىمداستىرۋدى قولعا الدىق. سوڭعى كەزدەرى بىرقاتار دەپۋتاتتار باستاماسى بويىنشا «بارسيادا» اتتى ۇلكەن سپورت ليگاسىن قۇرۋدى باستاپ كەتتىك. مۇنىڭ ءبارى, بىرىنشىدەن, بۇقارالىق سپورتتىڭ دامىپ, كەڭ ەتەك جايۋىنا سەرپىن بەرسە, ەكىنشىدەن, سپورتىمىزدىڭ كەلەشەك جۇلدىزدارىن تاربيەلەپ شىعارۋدىڭ ومىرلىك ونەگەلى مەكتەبى بولماق. وسىنىڭ ىڭعايىندا ەرەسەكتەر سپورتىنىڭ بىردەن-ءبىر ىرگەلى ءىزباسارى بولىپ تابىلاتىن ستۋدەنتتىك سايىستارعا ەرەكشە نازار اۋدارىلىپ