«قازاقستان» رترك» اق FIFA World Cup كەلەسى جىلى برازيليادا وتەتىن فۋتبولدان الەم چەمپيوناتىن قازاقستان اۋماعىندا تاراتۋ ءۇشىن تەندەر ۇتىپ الدى. چەمپيونات 12 ماۋسىم مەن 13 شىلدە ارالىعىندا برازيليانىڭ 12 قالاسىندا وتەدى.
«قازاقستان» رترك» اق FIFA World Cup كەلەسى جىلى برازيليادا وتەتىن فۋتبولدان الەم چەمپيوناتىن قازاقستان اۋماعىندا تاراتۋ ءۇشىن تەندەر ۇتىپ الدى. چەمپيونات 12 ماۋسىم مەن 13 شىلدە ارالىعىندا برازيليانىڭ 12 قالاسىندا وتەدى.
«قازاقستان» رترك» اق الەمدىك دەڭگەيدەگى ماڭىزى زور بەدەلدى فۋتبول چەمپيوناتىن قازاقستان اۋماعىنا تاراتۋ قۇقىعىنا وسىمەن ەكىنشى رەت يە بولىپ وتىر. بىلتىر «قازاقستان» جانە «ءبىرىنشى ارنا ەۋرازيا» تەلەارنالارى ۋكراينا مەن پولشادا وتكەن ەۋروپا چەمپيوناتىن كورسەتتى. بۇل جوبانى قازاقستان اۋماعىندا جۇزەگە اسىرۋ جۇمىستارىنا ۋەفا-داعى (ەۋروپانىڭ فۋتبول اسسوتسياتسياسى وداعى) ارىپتەستەرىمىز جوعارى باعا بەردى.
2014 FIFA World Cup فۋتبولدان وتەتىن الەم چەمپيوناتىن (بارلىعى 64 ويىن) «قازاقستان», «ءبىرىنشى ارنا ەۋرازيا» جانە «KAZsport» تەلەارنالارى كورسەتەدى. «قازاقستان», «ءبىرىنشى ارنا ەۋرازيا» تەلەارنالارى 32 ويىندى تىكەلەي ەفيردەن تاراتادى. «KAZsport» تەلەارناسى «قازاقستان» جانە «ءبىرىنشى ارنا ەۋرازيا» تەلەارنالارى تاراتقان 32 ويىندى جانە الەم چەمپيوناتىنداعى 64 ماتچتى تولىق قايتالاپ كورسەتەدى.
«قازاقستان» جانە «KAZsport» تەلەارناسى تاراتقان فۋتبول ويىندارىن www.kaztrk.kz ي www.kazsporttv.kz سايتتارى ون-لاين تۇرىندە كورسەتەدى.
«قازاقستان» جانە «KAZsport» تەلەارناسى 6 جەلتوقساندا شەشۋشى تاڭداۋ سالتاناتىن (سوڭعى جەرەبە سالۋ), كەلەسى جىلدىڭ 12 ماۋسىم كۇنى وتەتىن اشىلۋ سالتاناتى مەن فۋتبول ويىندارىنىڭ باستالۋىن تىكەلەي ەفيردە كورسەتەدى. ءۇشىنشى ورىنعا تالاساتىن ويىن دا «قازاقستان» جانە «KAZsport» تەلەارنالارىندا تىكەلەي ەفير ارقىلى كورەرمەنگە جول تارتادى. ال 13 شىلدە كۇنى الەم چەمپيوناتىنىڭ فينالى مەن جابىلۋ سالتاناتىن «قازاقستان» مەن «ءبىرىنشى ارنا ەۋرازيا» تەلەارنالارى تىكەلەي ەفيردەن تاراتاتىن بولادى.
«قازاقستان» جانە «KAZsport» تەلەارناسى «Road to...» اتتى 20 بولىمنەن تۇراتىن (قالالار, الەم چەمپيوناتى وتەتىن ستاديوندار, ويىنعا قاتىساتىن ۇلتتىق قۇرامالار, جانكۇيەرلەر, الەم چەمپيوناتىنىڭ تاريحى مەن ونىڭ جەڭىستەرى تۋرالى) فۋتبول دوداسى الدىنداعى كۇندەلىك باعدارلامالاردى كورسەتەدى.
الەم چەمپيوناتى قارساڭىندا جانە ويىن بارىسىندا ءارتۇرلى باعدارلامالار, شوۋلار مەن ساراپتامالىق حابارلاردان تۇراتىن قوماقتى جوبالار جۇزەگە اسادى. الەم چەمپيوناتى كەزىندە «قازاقستان» جانە «KAZsport» تەلەارنالارىندا وتكەن فۋتبول ويىندارىنا كۇندەلىكتى شولۋ جاسالادى.
داستان كەنجالين,
«ەگەمەن قازاقستان».