ءبىلىم جانە عىلىم مينيسترلىگىنىڭ بەكىتكەن جۇمىس كەستەسىنە سايكەس, 27 شىلدە مەن 10 تامىز ارالىعىندا «بالداۋرەن» رەسپۋبليكالىق وقىتۋ-ساۋىقتىرۋ ورتالىعى بازاسىندا «دوستىقتىڭ التىن كوپىرى» اۋىسىمىندا قازاقستان حالقى اسسامبلەياسىنىڭ جاس وكىلدەرىمەن كەزدەسۋ بولىپ ءوتتى.
ءبىلىم جانە عىلىم مينيسترلىگىنىڭ بەكىتكەن جۇمىس كەستەسىنە سايكەس, 27 شىلدە مەن 10 تامىز ارالىعىندا «بالداۋرەن» رەسپۋبليكالىق وقىتۋ-ساۋىقتىرۋ ورتالىعى بازاسىندا «دوستىقتىڭ التىن كوپىرى» اۋىسىمىندا قازاقستان حالقى اسسامبلەياسىنىڭ جاس وكىلدەرىمەن كەزدەسۋ بولىپ ءوتتى.
قازاقستانداعى بارلىق حالىقتىڭ ىنتىماعى مەن دوستىعىن, بەيبىتشىلىكتى, ساباقتاستىقتى, بىرلىك پەن قازاقستاندىق ءپاتريوتيزمدى نىعايتۋعا باعىتتالعان «دوستىقتىڭ التىن كوپىرى» شاراسى ىنتىماق پەن دوستىق راۋىشتە ءوتتى. مىنە, 11 جىلدان بەرى «دوستىقتىڭ التىن كوپىرى» اۋىسىمى وسىنداي مازمۇندا وتكىزىلىپ كەلەدى. ونىڭ باستى ماقساتى – حالىقتاردىڭ ەتنومادەني نەگىزىندە تانىمدىق جانە قولايلى ورتا تۋعىزۋ بولىپ تابىلادى. ەڭ باستىسى, بۇل ەلىمىزدىڭ تۇكپىر-تۇكپىرىنەن دەمالۋعا كەلگەن بارلىق بالالاردىڭ باسىن بىرىكتىرۋ جانە توپتاستىرۋ. سوندىقتان دا اتالعان ءىس-شارانىڭ باعدارلاماسى جالپىادامزاتتىق قۇندىلىقتار – دوستىق, ادىلدىك, ىنتىماقتاستىق, ىزگىلىك, ءوزارا قۇرمەت پەن سۇيىسپەنشىلىك ەكەنىن سەزىنۋىنە قۇرىلعان. بۇعان الىس جانە جاقىن شەتەلدەردەن, ياعني رەسەي فەدەراتسياسىنىڭ سانكت-پەتەربۋرگ قالاسىنان, وزبەكستاننان, قىرعىزستاننان, موڭعوليادان, قىتاي مەن يزرايلدەن قازاق دياسپوراسىنىڭ بالالارى شاقىرىلعان.
اۋىسىمنىڭ باسىندا-اق بالالار ورتالىقتىڭ جالپى شارالارىنا بەلسەندى كىرىسىپ كەتتى. اۋىسىمدى ازىرلەۋدە ءبىز يگى ءداستۇردى ۇستاندىق. ويتكەنى, تەك بىزدە عانا جاستاردىڭ اراسىندا داستۇرلەردى جالعاستىرۋدىڭ بىرەگەي مۇمكىندىكتەرى بار. سونىمەن قاتار, ءبىز جاستارمەن جۇمىس ىستەۋدىڭ جاڭا ۇلگىسىن جاساۋشى بولدىق.
اۋىسىم اياسىندا بالالار دوڭگەلەك ۇستەل باسىندا مەيماندار – «شالقار» قازاق راديوسىنىڭ رەداكتورى اسەل ەرگەشپەن, قازاق ەستراداسىنىڭ ءانشىسى جاڭاباي وتەگەنمەن جانە «دارىن» مەملەكەتتىك جاستار سىيلىعىنىڭ لاۋرەاتى, دومبىراشى مۇراگەر ساۋرانباەۆپەن كەزدەستى. كەزدەسۋدە بالالاردىڭ وزدەرىن قىزىقتىرعان سۇراقتار قويۋىنا دا مۇمكىندىك جاسالدى.
اۋىسىم بارىسىندا ءتۇرلى حالىقتاردىڭ مادەني كۇندەرى دە اتالىپ ءوتىلدى. بالالار ءارتۇرلى تاقىرىپتارعا اسا قىزىعۋشىلىق تانىتۋمەن بولدى. راديودان ۇلتتار مەن ۇلىستاردىڭ مادەنيەتى جايىندا قىسقاشا اقپاراتتار بەرىلىپ, كۇنى بويى ءارتۇرلى شارالار, ويىندار, كونكۋرستار ۇيىمداستىرىلدى. بۇل شارالاردان اسحانا قىزمەتكەرلەرى دە تىس قالماي, ۇلتتىق مادەنيەتتەر كۇنى ولار ءاربىر ۇلتتىڭ تاعامدارىن ازىرلەدى. بالالار اراسىندا ءتۇرلى سپورتتىق ويىندار وتكىزىلىپ, ولار گالەرەيا مەن كيىز ۇيدەگى ەتنوگرافيالىق مۇراجايدى تاماشالادى.
اۋىسىم قورىتىندىسى بويىنشا وتكىزىلگەن گالا-كونتسەرتتە بارلىق كورسەتىلىمدەر ساحناعا شىعارىلدى. گالا-كونتسەرتتى رەسەي فەدەراتسياسىنان (سانكت-پەتربۋرگ) كەلگەن قوناعىمىز سالتانات قادىرسەيىتوۆا «بالبىراۋىن» كۇيىمەن, وزبەكستانداعى قازاق مادەني ورتالىعىنىڭ وكىلدەرى كلارا سادىرباەۆا مەن ۇسەن شىنداۋلەتوۆ «سۇلۋ قىز» مۋزىكالىق نومىرلەرىمەن, قىرعىزستان قازاقتارى اسسوتسياتسياسى توراعاسىنىڭ ورىنباسارى تىلەۋحور بوشۋموۆا جانە «بالداۋرەن» ورتالىعىنىڭ باس ديرەكتورى مۇحيتدين تولەپباي «كوزىمنىڭ قاراسى» اندەرىمەن ارلەندىرىپ جىبەردى.
«دوستىقتىڭ التىن كوپىرى» اۋىسىمىندا قازاقستان حالقى اسسامبلەياسىنىڭ جاس وكىلدەرىمەن كەزدەسۋدىڭ قورىتىندىسى بويىنشا وعان قاتىسۋشىلارعا گراموتالار مەن العىس حاتتار تابىس ەتىلدى.
ەلەنا زارۋدنيتسكايا,
«بالداۋرەن» رەسپۋبليكالىق
وقىتۋ-ساۋىقتىرۋ ورتالىعى
ادىستەمەلىك ءبولىمىنىڭ عىلىمي ادىسكەرى.