الماتىدا 2022 جىلعى قىسقى XXIV وليمپيادا ويىندارىن وتكىزۋ جونىندە ۇسىنىس ەنگىزۋ ماسەلەسىنە ارنالعان العاشقى جيىن ءوتتى. وعان سپورت جانە دەنە شىنىقتىرۋ ىستەرى اگەنتتىگىنىڭ توراعاسى ەرلان قوجاعاپانوۆ پەن قالا اكىمى احمەتجان ەسىموۆ قاتىستى.
جيىندا ەرلان قوجاعاپانوۆ حالىقارالىق وليمپيادا كوميتەتىنىڭ سەسسياسىندا وليمپيادا ويىندارىن وتكىزەتىن قالا انىقتالاتىنىن ايتىپ, قازىردىڭ وزىندە وعان بىرنەشە قالانىڭ ۇمىتكەر بولىپ وتىرعانىن جەتكىزدى. وسى جەردە ول وليمپيادا ويىندارى وتەتىن قالا بىرنەشە كەزەڭنەن ءوتۋى ءتيىس ەكەنىن, ايەلى قالا ءوتىنىشتى 2013 جىلدىڭ 14 قازانىنا دەيىن بەرىپ ۇلگەرۋ كەرەكتىگىن ايتىپ, سودان كەيىن عانا وليمپيادا وتكىزۋدى انىقتايتىن باعالاۋ كوميسسياسى 2014 جىلدىڭ شىلدە ايىنا دەيىن وزىنە تيەسىلى جۇمىستاردى جۇرگىزەتىنىن اتاپ ءوتتى. «وسى كەزەڭدەردەن وتكەننەن سوڭ عانا 2015 جىلدىڭ تامىز ايىندا حوك-ءنىڭ سەسسياسى ءبىر قالانى تاڭداۋ پروتسەدۋراسىن جۇرگىزەدى», دەدى ول.
الماتى اكىمى وليمپيادا ويىندارى وتەتىن قالانى تاڭداۋ بارىسىندا سول ەلدىڭ الەۋمەتتىك-ەكونوميكالىق جاعدايى ەسكەرىلەتىنىن ايتتى. وندا ا.ەسىموۆ وسى كەزگە دەيىن ءبىزدىڭ ەلىمىز ەقىۇ ءسامميتىن, الەمدىك جانە ءداستۇرلى دىندەر جەتەكشىلەرىنىڭ سەزى مەن قىسقى ازيا ويىندارىن ءتيىستى دەڭگەيدە وتكىزگەنىن, ودان باسقا سپورتتىڭ قىسقى تۇرلەرىنەن تۇعىردان سەكىرۋدەن الەمدىك كۋبوك كەزەڭدەرىنىڭ, دوپتى حوككەيدەن الەم چەمپيوناتى وتكەنىنەن حاباردار ەتتى. «ال قازىر 2017 جىلعى ۋنيۆەرسيادانى وتكىزۋ ءۇشىن ءتيىستى نىساندارى سالىنۋدا. بۇل حالىقارالىق ماڭىزى بار شارانى دا ءبىزدىڭ ەل جوعارى جەڭگەيدە وتكىزەتىنىنە سەنەمىز», دەدى ول. وسىدان كەيىن قالا اكىمى احمەتجان ەسىموۆ حوك 2022 جىلعى قىسقى وليمپيادانى وتكىزۋگە ءوتىنىش بەرگەن قالالار قاتارىنا الماتىنى ەنگىزۋ تۋرالى جازىلعان حاتقا قول قويدى.
داستان كەنجالين.