بۇدان بۇرىن حابارلاعانىمىزداي, 14-16 تامىز ارالىعىندا استاناداعى «كورمە» ورتالىعىندا ەكسپو-2017 حالىقارالىق مامانداندىرىلعان كورمە كەشەنىنىڭ ساۋلەت جوبالارى ەل نازارىنا ۇسىنىلدى.
استانا ەكسپو-2017 كورمە كەشەنىنىڭ ەڭ ۇزدىك ەسكيز-يدەياسى, سونىڭ ىشىندە ەكسپو-2017 نىسانىنىڭ سيمۆولى انىقتالاتىن حالىقارالىق ساۋلەت بايقاۋى 2013 جىلدىڭ 18 اقپانىندا باستالىپ, شىلدە ايىنىڭ 18-ىندە جۇمىستاردى قابىلداۋ اياقتالدى. دۇنيە ءجۇزىنىڭ الەمگە اتى ايگىلى 50 اتاقتى ارحيتەكتورى وسى كورمەگە ءوز جوبالارىن ۇسىندى. ەلباسى نۇرسۇلتان نازارباەۆ وسى حالىقارالىق بايقاۋعا كەلىپ تۇسكەن جوبالارمەن ارنايى تانىسىپ شىققان بولاتىن.
بۇدان بۇرىن حابارلاعانىمىزداي, 14-16 تامىز ارالىعىندا استاناداعى «كورمە» ورتالىعىندا ەكسپو-2017 حالىقارالىق مامانداندىرىلعان كورمە كەشەنىنىڭ ساۋلەت جوبالارى ەل نازارىنا ۇسىنىلدى.
استانا ەكسپو-2017 كورمە كەشەنىنىڭ ەڭ ۇزدىك ەسكيز-يدەياسى, سونىڭ ىشىندە ەكسپو-2017 نىسانىنىڭ سيمۆولى انىقتالاتىن حالىقارالىق ساۋلەت بايقاۋى 2013 جىلدىڭ 18 اقپانىندا باستالىپ, شىلدە ايىنىڭ 18-ىندە جۇمىستاردى قابىلداۋ اياقتالدى. دۇنيە ءجۇزىنىڭ الەمگە اتى ايگىلى 50 اتاقتى ارحيتەكتورى وسى كورمەگە ءوز جوبالارىن ۇسىندى. ەلباسى نۇرسۇلتان نازارباەۆ وسى حالىقارالىق بايقاۋعا كەلىپ تۇسكەن جوبالارمەن ارنايى تانىسىپ شىققان بولاتىن. مەملەكەت باسشىسى ەكسپو-2017 كورمەسىن وتكىزۋ قازاقستان ءۇشىن اسا ماڭىزدى تاريحي وقيعا ەكەندىگىن ايتا كەلىپ, بايقاۋعا كەلىپ تۇسكەن جوبالاردى تاڭداۋ قورىتىندىسىنىڭ ماڭىزدىلىعىنا دا ەرەكشە توقتالدى.
«كورمە» كەشەنىندە وتكەن ءباسپاسوز ءماسليحاتىندا «استانا ەكسپو-2017» ۇك» اق باسقارما توراعاسىنىڭ ورىنباسارى الىشەر پيرمەتوۆ «استانا ەكسپو-2017» كورمە كەشەنىنىڭ ەسكيز-يدەياسى جانە ونىڭ سيمۆولى ايقىندالاتىن بۇل حالىقارالىق بايقاۋعا قاتىسۋشى ارحيتەكتورلاردىڭ الدىنا اسا ماڭىزدى مىندەت قويىلعاندىعىن اتاپ كورسەتتى. الەمنىڭ ءاربىر اتاقتى قالالارىنىڭ وزىندىك ارحيتەكتۋرالىق سيمۆولى بولادى. ماسەلەن, پاريجدە ەيفەل مۇناراسى, سەنت-لۋيستە اتاقتى اركا بولسا, سيدنەيدى عالامات وپەرا تەاترى ارقىلى ەلەستەتەمىز. سونىمەن بىرگە, ءداستۇرلى تاريحي شەجىرەسى بار ەكسپو بۇكىلالەمدىك كورمەلەرىنىڭ دە ايگىلى سيمۆولدارى بار. ماسەلەن, بريۋسسەلدە – اتوميۋم, ۆەنادا – روتوندا. ال شىعىس پەن باتىستىڭ جاۋھارلارى توعىسقان استانانىڭ سيمۆولى قانداي؟ بايتەرەك, پيراميدا, حان شاتىر ما, الدە وپەرا جانە بالەت تەاترى ما؟ ارينە, بۇل ساۋلەت ونەرىنىڭ وزىق تۋىندىلارى ءبىزدىڭ استانامىزدىڭ ايشىقتى ايبارى ەكەندىگى حاق. «سونىمەن بىرگە, «استانا ەكسپو-2017» بۇكىلالەمدىك كورمەسىن وتكىزۋىنە وراي, ءبىز قالامىزدا جاڭا, تاماشا سيمۆولدىڭ ومىرگە كەلۋىن قالايمىز. مىنە, وسى نىسان تورتكۇل دۇنيەگە ەكسپو-2017-ءنى, استانانى, قازاقستاندى, «بولاشاقتىڭ ەنەرگياسىن» پاش ەتسە دەيمىز», دەدى جۋرناليستەرمەن بولعان كەزدەسۋدە باسقارما توراعاسىنىڭ ورىنباسارى.
ەكى اپتا مەرزىم ىشىندە قۇرامىنا دۇنيە ءجۇزىنىڭ بەلگىلى ارحيتەكتورلارى جانە ەنەرگيا ۇنەمدەۋ سالاسىنىڭ وزىق ماماندارى كىرەتىن ارنايى قۇرىلعان تەحنيكالىق كەڭەس بايقاۋعا كەلىپ تۇسكەن جوبالاردىڭ ىشىنەن ەڭ ۇزدىك تە ماڭىزدىلارىن ىرىكتەپ الدى. بۇل تەحنيكالىق كەڭەسكە اتاقتى ەكونوميست, اقش-تىڭ ەكونوميكالىق ۇردىستەردى زەرتتەۋ قورىنىڭ پرەزيدەنتى دجەرەمي ريفكين جەتەكشىلىك ەتۋدە. وسى تەحنيكالىق كەڭەستىڭ مۇشەسى قازاقستان رەسپۋبليكاسىنىڭ قۇرمەتتى ساۋلەتشىسى ساعىندىق جانبولاتوۆتىڭ ايتۋىنشا, حالىقارالىق بايقاۋعا كەلىپ تۇسكەن جوبالاردىڭ ساپاسى وتە جوعارى. الايدا, شەتەلدىك ارحيتەكتورلار تاراپىنان دا, قازاقستاندىق ارحيتەكتورلار تاراپىنان دا نەگىزگى ماقساتقا جاۋاپ بەرمەيتىن ءالسىز جوبالاردىڭ بولعاندىعىن دا جاسىرا المايمىز. ەكى اپتاعا سوزىلعان كۇردەلى جۇمىس ۇدەرىسى بارىسىندا ەلوردامىزدا وتەتىن ەكسپو-2017 بۇكىلالەمدىك كورمەسىنىڭ نەگىزگى تاقىرىبىنا جاۋاپ بەرەتىن جوبالار ىرىكتەلدى. الداعى ۋاقىتتا حالىقارالىق تەحنيكالىق كەڭەس جان-جاقتى ساراپتامالار جۇرگىزە وتىرىپ, قىركۇيەك ايىنا دەيىن ەنەرگيا ۇنەمدەۋدىڭ ەرەكشە ۇلگىلەرىن كورسەتەتىن جوبالاردى ىرىكتەپ الاتىن بولادى. جوبالار ءالى دە تالاي-تالاي سىن مەن سىناقتان وتەدى. بۇل رەتتە قويىلاتىن قازاقستاندىق باستى تالاپ: نىساننىڭ سىرتقى بەينەسىنىڭ سۇلۋلىعى عانا ەمەس, ەلەكتر قۋاتىنىڭ ساقتالۋى, ۇنەمدىلىگى, بالامالىلىعى سياقتى ينجەنەرلىك-تەحنيكالىق ارتىقشىلىعىنا ءمان بەرۋ بولىپ تابىلادى. وسى رەتتە ايتا كەتەتىن ماسەلە, تەحنيكالىق كەڭەستىڭ قۇرامىندا قازاقستان رەسپۋبليكاسىنىڭ قۇرمەتتى ساۋلەتشىلەرى امانجول چەكاناەۆ, الياسقار كەنجەتاەۆ, ساعىندىق جانبولاتوۆ, استانا قالاسىنىڭ باس ساۋلەتشىسى ۆيتالي سيلەتسكي, «استانا ەكس