ەگيپەتتەگى قاندى قاقتىعىستارعا وراي قازاقستان الاڭداۋشىلىق ءبىلدىرىپ وتىر. قازاقستان ءۇشىن ەگيپەت اراب الەمىندەگى جانە افريكا قۇرلىعىنداعى ماڭىزدى سىرتقى ساياسي ارىپتەس بولىپ تابىلادى. سونداي-اق, ەلدەرىمىزدى تاريحي جانە رۋحاني تامىرلار بىرىكتىرەدى, دەدى سىرتقى ىستەر مينيسترلىگى ءباسپاسوز قىزمەتىنىڭ جەتەكشىسى نۇرجان ايتماحانوۆ جۋرناليستەرمەن وتكىزگەن بريفينگتە.
ەگيپەتتەگى قاندى قاقتىعىستارعا وراي قازاقستان الاڭداۋشىلىق ءبىلدىرىپ وتىر. قازاقستان ءۇشىن ەگيپەت اراب الەمىندەگى جانە افريكا قۇرلىعىنداعى ماڭىزدى سىرتقى ساياسي ارىپتەس بولىپ تابىلادى. سونداي-اق, ەلدەرىمىزدى تاريحي جانە رۋحاني تامىرلار بىرىكتىرەدى, دەدى سىرتقى ىستەر مينيسترلىگى ءباسپاسوز قىزمەتىنىڭ جەتەكشىسى نۇرجان ايتماحانوۆ جۋرناليستەرمەن وتكىزگەن بريفينگتە.
قازاقستان ەگيپەتتىڭ ۋاقىتشا ۇكىمەتىن ازاماتتىق بەيبىتشىلىك پەن كەلىسىمدى قامتاماسىز ەتۋ ءۇشىن جانە ەڭ جاقىن مەرزىمدە دەموكراتيالىق سايلاۋ وتكىزۋ ءۇشىن شارا قولدانۋعا شاقىرادى. ەگيپەت اراب رەسپۋبليكاسىنداعى ىشكى ساياسي احۋالدىڭ ناشارلاۋىنا جانە ءىرى قالالاردا ورىن العان قاقتىعىستارعا وراي, قازاقستان رەسپۋبليكاسىنىڭ سىرتقى ىستەر مينيسترلىگى قازاقستاندىق ازاماتتارعا كايرگە, الەكساندرياعا, سۋەتسكە, لۋكسورعا ساپار جاساۋدان قالىس قالۋدى ۇسىنادى.
قازاقستان رەسپۋبليكاسىنىڭ ەگيپەتتەگى ەلشىلىگى اتالعان ەلدە تۇرىپ جاتقان قازاقستاندىق ازاماتتارمەن, ونىڭ ىشىندە ستۋدەنتتەرمەن ءتۇسىندىرۋ جۇمىستارىن جۇرگىزىپ, ەلدىڭ ۋاقىتشا ۇكىمەتى ورناتقان وسى جىلدىڭ 15 تامىزى مەن 14 قىركۇيەگى ارالىعىنداعى كومەندانتتىق ساعاتتى قاتاڭ تۇردە ۇستانۋدىڭ قاجەتتىلىگىن ەسكەرتەدى. ەار-داعى ازاماتتاردىڭ ادامدار كوپ شوعىرلانعان جەرلەرگە بارماۋىن قاتاڭ تۇردە سۇرايدى.
قر ەگيپەتتەگى ەلشىلىگىندە, قاجەت بولعان جاعدايدا, دەر كەزىندە كومەك كورسەتۋ ءۇشىن ديپلوماتتاردىڭ دەمالىس كۇندەرى كەزەكشىلىگى ورناتىلعانىن حابارلايمىز. كەزەكشى تەلەفوندارى – +20226132991, +20226132992, كونسۋلدىڭ تەلەفونى – +201153266437.
«ەگەمەن-اقپارات».