جىلدىڭ العاشقى 6 ايىندا ەلىمىزدە 306 ملرد. تەڭگەگە تۇرعىن ۇيگە جاتپايتىن نىساندار سالىندى. وسى ۋاقىتتا اقتوبە وبلىسىندا مۇنداي نىسانداردىڭ قۇرىلىسى 36 ملرد. تەڭگەنى, ماڭعىستاۋ وبلىسىندا 27 ملرد. تەڭگەنى قۇرادى.
جىلدىڭ العاشقى 6 ايىندا ەلىمىزدە 306 ملرد. تەڭگەگە تۇرعىن ۇيگە جاتپايتىن نىساندار سالىندى. وسى ۋاقىتتا اقتوبە وبلىسىندا مۇنداي نىسانداردىڭ قۇرىلىسى 36 ملرد. تەڭگەنى, ماڭعىستاۋ وبلىسىندا 27 ملرد. تەڭگەنى قۇرادى.
بيىلعى جىلدىڭ ءشىلدەسىندە الماتىدا بوس جۇمىس ورىندار سانى 4,5 مىڭ ادامعا جەتتى. سونىمەن بىرگە, وڭتۇستىك مەگاپوليستىڭ كاسىپورىندارى مەن ۇيىمدارىنا 15,6 مىڭ ادام جۇمىسقا ورنالاستى.
جىل باسىنان بەرى اقمولا وبلىسى ەسىل اۋدانىنىڭ شارۋاشىلىقتارىنا 350 اسىل تۇقىمدى مال اكەلىندى. بۇگىنگى تاڭدا اۋداندا 7 ونەركاسىپ كاسىپورنى, 4 ديىرمەن, 2 ەت جانە ءسۇت وڭدەيتىن تسەح, تەمىربەتون بۇيىمدارىن جاسايتىن تسەح جۇمىس ىستەيدى.
تامىزدا «استانا-اتىراۋ» باعىتىنا جۇردەك پويىزى قاتىنايتىن بولادى. الداعى 22 تامىز كۇنى جولعا شىعاتىن پويىز «تۇلپار-تالگو» ۆاگوندارىنان قۇرالعان. جاڭا پويىز ءتورت كۇندە ءبىر قاتىنايدى.
شىعىس قازاقستان وبلىسىنىڭ گلۋبوكوە اۋدانىندا مەديتسينالىق-الەۋمەتتىك ورتالىق جاڭاردى. كەشە اۋدان ورتالىعى – زيموۆە سەلوسىندا جۇمىس ساپارىمەن بولعان وبلىس اكىمى بەردىبەك ساپارباەۆ ميلليارد تەڭگەگە جۋىق قارجىعا جاڭارعان 150 توسەكتىك ەمدەۋ ورنىنىڭ جۇمىسىنا جوعارى باعا بەردى.
شىمكەنتتە ءشامشى قالداياقوۆ اندەرىنە ارنالعان «ارىس جاعاسىندا» ءتورتىنشى رەتروفەستيۆالى اياقتالدى. ەكى كۇندىك شارا شەڭبەرىندە وبلىس انشىلەرىنىڭ «مەنىڭ قازاقستانىم» اتتى كونكۋرسى دا وتكىزىلدى. كەشە كەشكە قانات جايعان گالا-كونتسەرتتە وسى بايقاۋلاردىڭ جۇلدەگەرلەرى ونەر كورسەتتى.
ماڭعىستاۋ وبلىسىنىڭ بەينەۋ اۋدانىنا «سالاماتتى قازاقستان-2030» دەنساۋلىق پويىزى ساپار شەكتى. قۇرامىندا الۋان ءتۇرلى دارىگەرلەر مەن جابدىقتارى بار بريگادا بىرنەشە كۇن بويى سكرينينگىلىك تەكسەرۋلەر جۇرگىزەدى.
جامبىل وبلىسىنىڭ بيۋدجەتتىك مەكەمەلەرى قىسقى ماۋسىمعا 74,8 پايىزعا دايىن. بۇل تۋرالى دايىندىق شتابىنىڭ كەزەكتى وتىرىسىندا وبلىستىڭ باس ەنەرگەتيگى جەڭىس تۇياقوۆ مالىمدەدى. «الداعى ەكى ايدا قالعان جۇمىستاردى تولىق ساپالى اياقتاپ شىعۋعا مۇمكىندىك بار», دەدى ول.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.