بۇگىن ۇكىمەت الاڭىندا وتكەن ءباسپاسوز كونفەرەنتسياسىندا ەكولوگيا, گەولوگيا جانە تابيعي رەسۋرستار ۆيتسە-ءمينيسترى سەرگەي گروموۆ سۋ تاسقىنى كەزەڭى قارساڭىندا ەلىمىزدە بارلىق گيدروتەحنيكالىق قۇرىلىستارعا تەكسەرۋ جۇرگىزۋ تۋرالى ايتىپ بەردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
الداعى سۋ تاسقىنى ماۋسىمىنا دايىندىق ماقساتىندا سۋ رەسۋرستارى كوميتەتىنىڭ باسسەيندىك ينسپەكتسيالارى تج ورگاندارىنىڭ, جەرگىلىكتى اتقارۋشى ورگانداردىڭ جانە «قازسۋشار» رمك وكىلدەرىمەن بىرلەسىپ گيدروتەحنيكالىق قۇرىلىستارعا كوزبەن شولىپ تەكسەرۋ جۇرگىزدى. ينسپەكتسيالار قاجەتتى ءىس-شارالاردى وتكىزۋ تۋرالى ۇيعارىمدار مەن ۇسىنىمدار بەردى.
«الدىن الا گيدروتەحنيكالىق بولجامعا سايكەس, بيىل قار قورى ۇلكەن بولعاندىقتان ورتاشا نورما جەكەلەگەن جەرلەردە 40-100%-عا جوعارى. 7 ءوڭىر انىقتالدى, اتاپ ايتساق: نۇر-سۇلتان قالاسى, شقو, سقو, قاراعاندى, پاۆلودار, اقمولا جانە قوستاناي وبلىستارى. بىزدە مينيسترلىكتە سۋ تاسقىنىنا قارسى كوميسسيا قۇرىلىپ, ءتيىستى جوسپارلار ازىرلەندى. ۇلكەن سۋ تاسقىنى ورىن العان جاعدايدا ءبىزدىڭ سۋ قويمالارىمىز ترانزيتتىك تارتىپتە جۇمىس ىستەيتىن بولادى», — دەدى س. گروموۆ.
ونىڭ ايتۋىنشا, سۋ قويمالارىنا مونيتورينگ تاۋلىك بويى جۇرگىزىلەدى.
«الداعى سۋ تاسقىنى ماۋسىمىنا دايىندىق ماقساتىندا ءبىز توتەنشە جاعدايلاردىڭ تۋىنداۋ قاۋپى اسا جوعارى جەرلەر كورسەتىلگەن كارتا جاسادىق. جاۋعان قاردى ەسكەرە وتىرىپ, وزەن ارنالارىن تازالاۋ جۇمىستارىن جۇرگىزۋ قاجەت. بارلىعى باقىلاۋعا الىنعان, بوگەتتەردى شايىپ كەتۋ قاۋپى ازىرگە بايقالمايدى», — دەدى ۆيتسە-مينيستر.
بۇگىندە يەسىز گتق بويىنشا ماسەلە مينيسترلىكتىڭ ەرەكشە باقىلاۋىندا.
«2017 جىلدان باستاپ جەرگىلىكتى اتقارۋشى ورگاندار اۋقىمدى جۇمىستار اتقاردى, يەسىز قالعان نىساندار سانى 49-دان 10-عا دەيىن ازايدى, دەگەنمەن بۇل جۇمىستى ءالى دە جالعاستىرۋ قاجەت», — دەدى ول.
سونىمەن قاتار ءمينيستردىڭ ورىنباسارىنىڭ باعالاۋىنشا, اتالعان يەسىز سۋ قويمالارى بۇگىندە ەش قاۋىپ توندىرمەيدى.
اتاپ وتكەن ءجون, رەسپۋبليكا بويىنشا 463 گيدروتەحنيكالىق قۇرىلىستى جوندەۋ قاجەت. وسى جىلدىڭ سۋ تاسقىنى كەزەڭىنە دايىندىق ماقساتىندا 2019 جىلدىڭ كۇزىندە وڭىرلەر 163 شاقىرىم قورعانىس بوگەتتەرىن سالۋ جانە جوندەۋ, جاعالاۋدى بەكىتۋ, ءتۇبىن تەرەڭدەتۋ, 330 شاقىرىم سۋ تاسقىنى قاۋپى بار وزەن ارنالارىن تۇزەتۋ, 116 شاقىرىم سۋ بۇرۋ ارنالارىن ورناتۋ, 2006 شاقىرىم ارنانى, ارىقتاردى, اۆتوموبيل جانە تەمىر جول كوپىرلەرى استىنداعى 10314 بىرلىك سۋ وتكىزۋ قۇرىلىستارىن تازالاۋ جۇمىستارىن جۇرگىزدى.
سۋ تاسقىنىنىڭ الدىن الۋ جانە سالدارىن جويۋ ءۇشىن 13,5 مىڭ توننا جانار-جاعار ماي, 152,6 مىڭ توننا ينەرتتى ماتەريالدار, 840 مىڭ قۇم سالىنعان قاپ جانە 47 توننا جارىلعىش زاتتار قورى دايىندالدى, ەلدى مەكەندەردەن 8,8 ملن تەكشە مەتردەن استام قار شىعارىلدى. ەۆاكۋاتسيالانعان حالىقتى قابىلدايتىن 1707 پۋنكت دايىندالدى, ەۆاكۋاتسيالاۋ باعىتتارى جاڭارتىلدى, جالپى سانى 9 مىڭ ادامنان جانە 1730 بىرلىك تەحنيكادان تۇراتىن ءىىم كۇشتەرى مەن قۇرالدارى دايىندالدى.