Beeline مەن ScrumTrek كومپانياسى ءارتۇرلى سالاداعى Agile ادىستەمەسىنە قاتىستى كونفەرەنتسيا وتكىزدى. قازاقستان, رەسەي جانە قىرعىزستاننان جينالعان ساراپشىلار ءوز تاجىريبەلەرىن ءبولىسىپ, نارىقتىڭ ءارتۇرلى سالاسىندا Agile جۇمىسىنىڭ قاعيدالارىن قولدانۋ مۇمكىندىگىن تالقىلادى, بيزنەس-يكەمدىلىككە دەگەن ەۆوليۋتسيالىق قادامداردى تانىستىردى. بۇل تۋرالى كومپانيانىڭ ءباسپاسوز قىزمەتى حابارلادى.
Agile ادىستەمەسى – جۇمىس ۇدەرىسىن ۇيىمداستىرۋدىڭ جاڭا وزىق ءتاسىلى, ول ءىت سالاسى مەن يننوۆاتسيالىق شەشىمدەر جاسالاتىن جانە وزگەرىستەرگە قاراي شۇعىل شەشىم قابىلداۋدى قاجەت ەتەتىن سالالاردا اسا وزەكتى. بۇل ورايدا, ادىستەمە وپەراتسيا شىعىندارىن ازايتۋعا, ۇدەرىستەر مەن جوبالاردى ۇيىمداستىرۋدى وڭتايلاندىرۋعا, سونداي-اق جۇزەگە اسىرۋعا جانە ونىڭ ۋاقىتىنا ءجيى اسەر ەتەتىن ارتىق بيۋروكراتيادان قۇتىلۋعا مۇمكىندىك بەرەدى. Agile قاعيدالارى ماركەتينگ, جوبالاردى باسقارۋ, سەرۆيستى جەتىلدىرۋ, قارجى سالالارىندا قولدانىلادى.
«Beeline تەلەكوممۋنيكاتسيا نارىعىندا عانا ەمەس, سونىمەن قاتار ىشكى جۇمىس ۇدەرىستەرىن ۇيىمداستىرۋدا دا جاڭا باعىتتاردى بەلسەندى قولدانىپ, دامىتادى. Agile ادىستەمەسىن قولدانۋ ءارتۇرلى جوبانى جۇزەگە اسىرۋ مەرزىمىنە وڭ اسەر ەتىپ, جالپى جاقسى ناتيجە بەردى. ءموبيلدى قوسىمشالاردى جاساۋشىلارىمىزبەن جانە باسقا ءىت ماماندارمەن وسى فورماتتا جۇمىس ىستەگەن – بيۋروكراتيالىق ۇدەرىستەردىڭ ورنىنا, دامۋ, جاڭا, ءارى قىزىقتى مىندەتتەر مەن جاساقتامالاردى جۇزەگە اسىرۋ اسا قىزىق بولدى», - دەدى Beeline قازاقستاننىڭ Agile ترانسفورماتسياسى قىزمەتىنىڭ جەتەكشىسى مارات ءجۇنىسوۆ.