نۇر-سۇلتان قالاسى اكىمدىگىنىڭ حالىقتى جۇمىسپەن قامتۋ ورتالىعىندا جۇمىسسىز ازاماتتاردى تەگىن وقىتۋدى ۇيىمداستىرۋ ءۇشىن كادرلار قاجەتتىلىگى بار جۇمىس بەرۋشىلەردىڭ وتىنىمدەرى قابىلدانىپ جاتىر. بۇل تۋرالى نۇر-سۇلتان قالاسىنىڭ ءباسپاسوز قىزمەتى حابارلادى.
كاسىپتىك وقىتۋ بويىنشا بىرلەسىپ جۇمىس اتقارۋ ءۇشىن جۇمىس بەرۋشىگە كەپىلدىك حات-ءوتىنىش ۇسىنۋ جەتكىلىكتى, سودان كەيىن تاڭداعان ماماندىعى بويىنشا وقىعىسى كەلەتىن جۇمىسسىز ازاماتتارمەن سۇحباتتاسۋ ءۇشىن بوس جۇمىس ورىندارىنىڭ شاعىن جارمەڭكەسىنە مالىمدەلگەن ۇيىمدار شاقىرىلادى.
جۇمىس بەرۋشىلەردىڭ جۇمىسسىزداردى تاڭداۋىن ەسكەرە وتىرىپ, جۇمىسپەن قامتۋ ورتالىعى ۇمىتكەرلەردى تەگىن وقۋعا جىبەرەدى. وقۋدى اياقتاعاننان كەيىن بىلىكتى مامان جۇمىس بەرۋشىنىڭ ۇيىمىنا تۇراقتى جۇمىسقا ورنالاسۋ ءۇشىن بارادى.
جۇمىس بەرۋشىلەردىڭ وتىنىمدەرى جانە ەڭبەك نارىعىندا تالاپ ەتىلگەن بىلىكتىلىكتەر مەن داعدىلار بويىنشا قىسقا مەرزىمدى كاسىپتىك وقىتۋ بەلگىلى ءبىر جۇمىس ءتۇرىن ورىنداۋ ءۇشىن قاجەتتى جاڭا نەمەسە وزگەرتىلگەن كاسىبي داعدىلاردى جەدەل مەڭگەرۋگە باعىتتالعان. قىسقا مەرزىمدى كاسىپتىك وقۋدان ءوتىپ جاتقان «ەڭبەك» باعدارلاماسىنىڭ قاتىسۋشىلارى رەتىندە جۇمىسسىز تۇلعالار, ونىڭ ىشىندە NEET ساناتىنداعى جاستاردىڭ, از قامتىلعان جانە/نەمەسە كوپبالالى وتباسى مۇشەلەرىنىڭ, ەڭبەككە جارامدى مۇگەدەكتەردىڭ, قىسقارتۋعا ىلىككەن قىزمەتكەرلەردىڭ قاتىسۋعا قۇقىعى بار.
بارلىق سۇراقتار بويىنشا حالىقتى جۇمىسپەن قامتۋ ورتالىعىنىڭ كاسىپتىك وقىتۋ بولىمىنە +77172 95 44 18/16 حابارلاسۋعا بولادى.