الماتىدا ءال-فارابي اتىنداعى قازاق ۇلتتىق ۋنيۆەرسيتەتى, ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق قورىق-مۋزەيى بىرلەسە ۇلى ويشىل, فيلوسوف ءال-ءفارابيدىڭ 1150, ۇلى اقىن ابايدىڭ 175 جىلدىعىنا ارنالعان ء«ال-فارابي – اباي: رۋحاني ساباقتاستىق ماسەلەسى» اتتى رەسپۋبليكالىق عىلىمي-تاجىريبەلىك دوڭگەلەك ۇستەلىن وتكىزدى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.
ءىس - شاراعا فارابيتانۋشى, ابايتانۋشى عالىمدار, عىلىمي قىزمەتكەرلەر, دوكتورانتتار, ماگيسترانتتار جانە باق وكىلدەرى قاتىستى.
شارا بارىسىندا ابايدىڭ «جيدەباي-ءبورىلى» قورىق-مۋزەيىنىڭ عىلىمي حاتشىسى ر.ەلەكەنوۆا «اباي الەمى» تاقىرىبىنا توقتالىپ, مۋزەيدىڭ تىنىس-تىرشىلىگى, عىلىمي قورى, باسپا ونىمدەرىمەن تانىستىردى. سونىمەن قاتار ۇلى تۇلعالاردىڭ ءومىرى مەن باي مادەني شىعارماشىلىعىنا قاتىستى عىلىم مەن ءبىلىم بەرۋدىڭ ادىسنامالىق جانە پراكتيكالىق ماسەلەلەرى تالقىلاندى.
مادەني شارا بارىسىندا ءال-فارابي كىتاپحاناسىنىڭ ء«ال-فارابي» ەكسپوزيتسياسى, ءال-فارابي كىتاپحانا كورمەسى, ابايدىڭ «جيدەباي-ءبورىلى» مەملەكەتتىك قورىق-مۋزەيىنىڭ قورىندا ساقتالعان اباي ءومىرى مەن شىعارماشىلىعى بويىنشا «اباي الەمى» كورمەسى, كىتاپتار مەن قولجازبالار كورمەسى تانىستىرىلىپ, كورەرمەندەر نازارىنا ۇسىنىلدى. مادەني شارانىڭ سوڭىندا قاتىسۋشىلارعا العىس حاتتار تابىستالدى.