قوستاناي وبلىسىندا سۋ تاسقىنى ورىن الىپ جاتىر

بىرنەشە كۇننەن بەرى قوستاناي وبلىسىنىڭ بىرقاتار ەلدى مەكەندەرىندە سۋ تاسقىنى ءجۇرىپ جاتىر. بۇل تۋرالى «ناشا گازەتا» حابارلادى,

«ساعات تاڭەرتەڭگى 10-دا ۆارۆارا سەلوسى ماڭىنداعى گيدروبەكەتتەگى سۋدىڭ دەڭگەيى 380 سانتيمەترگە جەتتى. قارابالىق اۋدانىندا سۋدىڭ دەڭگەيى 26 سانتيمەترگە كوتەرىلدى. تاران اۋدانىندا سۋ قايتا-قايتا كوبەيىپ جاتىر», - دەپ مالىمدەدى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.

چەليابى گيدرومەتورتالىعى اۋار ارايىن بولداۋ ءبولىمىنىڭ باستىعى ليديا پوپوۆانىڭ دەرەگىنە سىلتەمە جاساعان يتار-تاسس-تىڭ حابارلاۋى بويىنشا, ەڭ كۇردەلى جاعداي قارابالىق اۋدانىمەن شەكارالاس قارتالى قالاسىندا قالىپ تاسىپ وتىر. «مۇنداعى جاۋىن-شاشىننىڭ ايلىق نورماسى 42 مم بولسا, سوڭعى تاۋلىكتە وندا 99 مم ءتۇسىپ تۇر. ەگەر ءۇش تاۋلىكتى الساق, بۇل مولشەر 155 مم بولادى. تۇتاستاي العاندا, ايتا كەتۋ كەرەك, سوڭعى ءۇش تاۋلىكتە چەليابى وبلىسىنىڭ تۇستىگىندە نوسەر جاڭبىر تۇرىندە ءتورت ايلىق نورما .ءتۇستى», دەپ حابارلادى يتار-تاسس جوعارىداعى ماماننىڭ سوزىنە سىلتەمە جاساپ.

سۇلتان بوزايعىر.