قازىر اقتوبە ايماقتىق ۋنيۆەرسيتەتى دەگەن تەك قاعاز جۇزىندە عانا بار. سوندىقتان ونىڭ ستۋدەنتتەرى اقشانى كىمگە تولەيتىندەرىن, سوسىن نە بولاتىنىن بىلمەي دال بولىپ ءجۇر. مۇنىڭ جايىن «اكتوبە-تايمس» گازەتىنىڭ تىلشىلەرى زەرتتەدى.
گازە ءتىلشىسىنىڭ جاازۋىنشا, وبلىس ورتالىعىنداعى پەداگوگيكالىق ينستيتۋت پەن جۇبانوۆ اتىنداعى ۋنيۆەرسيتەتتى بىرىكتىرۋ اقتوبەلىك ستۋدەنتتەر مەن ولاردىڭ اتا-انالارىن قاتتى مازاسىزداندىرىپ وتىرعانعا ۇقسايدى.
«ءبىز ءتىپتى ەندى قانداي فاكۋلتەتتە وقيتىنىمىزدى دا بىلمەيمىز, - دەيدى الپامىس اتتى ستۋدەنت. – مەن, مىسالى, حيميك-ساراپشى بولۋعا دايىندالىپ جۇرگەنمىن. جاڭا وقۋ ورنىندا مۇنداي ماماندىقتىڭ دايىندالاتىن-دايىندالمايتىنىنان حابارىم جوق. بالكىم, تەك پەداگوگتار شىعاراتىن شىعار. ال مەنىڭ مۇعالىم بولعىم كەلمەيدى. بيىلعى جىلعى تالاپكەرلەر قايدا باراتىندارىن دا تۇسىنبەيدى».
اتا-انالاردى وقۋعا اقى تولەۋ جاعى دا مازالايدى.
ەكى وقۋ ورنىنىڭ بىرىگۋى ولارداعى وقىتۋشىلاردى دا قۋاندىرىپ وتىرعان جوق. ولاردىڭ كوبى جۇمىستارىنان ايرىلىپ قالۋدان قورقادى.
اقتوبە پەداگوگيكالىق ۋنيۆەرسيتەتىنىڭ بۇرىنعى پرورەكتورى اناتولي ۋسوۆتىڭ سوزىنە قاراعاندا, ايماقتىق مەملەكەتتىك ۋنيۆەرسيتەتى دەگەن ءوازىر قاعاز جۇزىندە عانا بار. ال بۇل قاعاز – Yكىمەتتىڭ 2013 جىلعى 29 مامىردا قابىلداعان ەكى وقۋ ورنىن قايتا قۇرۋ تۋرالى قاۋلىسى.
«ۋنيۆەرسيتەت زاڭدى تۇلعا رەتىندە ءالى جاسالعان جوق, - دەپ تۇسىندىرەدى اناتوي ۆلاديميروۆيچ. – 12 تامىزدان كەيىن, ايتالىق, زاڭ جۇزىندە ەسەپكە الۋ جۇرگىزىلەدى. وسىدان كەيىن عانا قانداي فاكۋلتەتتەردىڭ بولاتىنى, ولاردا قانداي ماماندار دايىندالاتىنى انىقتالادى. ازىرگە بۇل تۋرالى بىردەڭە ايتۋ قيىن. ءبىر عانا نارسە ايقىن, پەدينستيتۋت پەن جۇبانوۆ اتىنداعى ۋنيۆەرسيتەتتە وقىعان بارلىق ستۋدەنتتەر جاڭا وقۋ ورنىندا وقۋلارىن جالعاستىراتىن بولادى».
ايماقتىق ۋنيۆەرسيتەت 13 مىڭعا جۋىق ستۋدەنتتەردى قابىلدايدى. وقىتۋشىلار سانى 700 ادامدى قۇرايدى. الدىن الا ەسەپ بويىنشا, جوعارى وقۋ ورنىنىڭ قاراۋىندا 10 وقۋ كورپۋسى بولادى.
مۇرات ايتقوجا.