پرەزيدەنت اكىمشىلىگىنىڭ كەلىسىمىمەن جانە ىشكى ىستەر ءمينيسترىنىڭ بۇيرىعىمەن اقتوبە وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ باسشىسى بولىپ شامشيەۆ الماس ءابجان ۇلى تاعايىندالدى, دەپ حابارلايدى Polisia.kz سايتى.
جاڭا باسشىنى جەكە قۇرامعا جانە وبلىس اكىمىنە ءىىم قىلمىستىق اتقارۋ-جۇيەسى كوميتەتى توراعاسىنىڭ ورىنباسارى ەسقالي سالاماتوۆ تانىستىردى.
«الماس ابجانوۆ ورتالىق اپپاراتتا قىلمىستىق-اتقارۋ جۇيەسى كوميتەتىندە كوپ جىلدار بويى ەڭبەك ەتتى. ول قىلمىستىق-اتقارۋ جۇيەسى سالاسىمەن جاقسى تانىس. سەبەبى. بۇل باعىتتا 20 جىل جۇمىس ىستەگەن. وسى كۇنگە دەيىن اقتوبە وبلىسى بويىنشا قاج دەپارتامەنتى باستىعىنىڭ مىندەتىن جاۋاپكەرشىلىكپەن اتقارىپ كەلدى», - دەدى ە.سالاماتوۆ.
ايتا كەتەيىك, 13 اقپان كۇنى قر ءىىم قىلمىستىق-اتقارۋ جۇيەسى كوميتەتىنىڭ توراعاسى اۋىستى. ۆەدومستۆونىڭ جاڭا باسشىسى جانات بولات ۇلى ەشماعامبەتوۆ بولدى.