ءورت سوندىرۋشىلەر ءتىلسىز جاۋمەن التى ساعات ارپالىسقان. زارداپ شەككەندەر تۋرالى مالىمەت جوق.
15 اقپان كۇنى ساعات 21:30 شاماسىندا شاحتينسك قالاسىنا جاقىن ورنالاسقان شاحتادا ءورت بولدى. جالىن 100 مەتر تەرەڭدىكتە تۇتانعان. شاحتادا بولعان 116 ادام ەۆاكۋاتسيالاندى.
ءورتتى سوندىرۋمەن يندۋستريا جانە ينفراقۇرىلىمدىق دامۋ مينيسترلىگىنىڭ «كاسىبي اسكەريلەندىرىلگەن اپاتتىق-قۇتقارۋ قىزمەتتەرى» رەسپۋبليكالىق ورتالىق شتابى» جشس-نىڭ 60 مامانى مەن 6 تەحنيكاسى اينالىستى.
«100 مەتر تەرەڭدىكتە كومىر ءماسسيۆىنىڭ جارىقتارىنان جانىپ جاتقان مەتان ارا-تۇرا اتقىلاپ تۇردى. يدم «كاسىبي اسكەريلەندىرىلگەن اپاتتىق-قۇتقارۋ قىزمەتتەرى» رەسپۋبليكالىق ورتالىق شتابى» جشس-نىڭ جۇرگىزگەن شارالارىنىڭ ناتيجەسىندە جالىن 03:40-تا ءوشىرىلدى. كەيىن اتالعان ۋچاسكەدە كومىر ءماسسيۆىن سۋىتۋ جۇمىستارى جۇرگىزىلدى. اۋاداعى كومىرقىشقىل گازىنىڭ مولشەرى نورمادان اسپايدى. زارداپ شەككەندەر مەن مەرت بولعاندار جوق», - دەدى ءىىم تجك رەسمي وكىلى نۇرسۇلتان نۇراحمەتوۆ.