الماتىدا بۇۇ-نىڭ 6 تىلىنە اۋدارىلعان قازاق ادەبيەتى انتولوگيالارىنىڭ تانىستىرىلىمى بارىسىندا قازاقستان رەسپۋبليكاسىنىڭ مەملەكەتتىك حاتشىسى ق.كوشەرباەۆ جوبا قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا.نازارباەۆتىڭ باستاماسىمەن جۇزەگە اسىپ جاتقان «رۋحاني جاڭعىرۋ» باعدارلاماسى باعىتتارىنىڭ ءبىرى ەكەندىگىنە توقتالىپ, ۇزاق جىلداردى, الىستى كوزدەگەن, مۇراتى بيىك «جاھانداعى زاماناۋي قازاقستاندىق مادەنيەت» جوباسىنىڭ ماقساتى - قازاق ادەبيەتى مەن مادەنيەتىن, مۋزىكاسى مەن بەينەلەۋ ونەرىن, كينو جانە تەاتر سالاسىنداعى وزىق تۋىندىلاردى الەمگە تانىتۋ.
ۇلتتىق مادەنيەتتىڭ بار جەتىستىگىن الەمدىك وركەنيەتكە قوسۋدى كوزدەگەن بۇل جوبانى ادەبيەتتەن, ءسوز ونەرىمىزدەن باستاۋدى ءجون كوردىك. قازاق ادەبيەتىنىڭ ۇزدىك ۇلگىلەرىن بۇۇ-نىڭ 6 تىلىنە اۋدارۋ جانە ونى وسىنداي كەڭ كولەمدە تاراتۋ – بۇرىن سوڭدى ءبىزدىڭ تاريحىمىزدا بولماعان. بۇل جوبانى ۇيىمداستىرۋ جانە ۇيلەستىرۋ جۇيەسى دە بۇرىنعىدان وزگەشە بولدى.
ونداعى باستى ماقسات – كوركەم اۋدارمانىڭ جوعارى ساپاسىن قامتاماسىز ەتۋ ەدى. ول ءۇشىن ەڭ الدىمەن, جوبانى جۇزەگە اسىرۋعا 6 ەلدەگى كوركەم اۋدارما سالاسىندا تاجىريبەسى مول, بەدەلدى دەگەن باسپالار تاڭدالدى. 60 اۆتوردىڭ ۇزدىك تۋىندىلارى ەنگەن انتولوگيالار دۇنيەجۇزىنىڭ 5 قۇرلىعىنداعى 93 مەملەكەتتىڭ ءىرى كىتاپحانالارى, ىرگەلى وقۋ ورىندارى, مادەنيەت پەن ادەبيەتكە ماماندانعان عىلىمي ورتالىقتارىنا تاراتىلادى», دەپ اتاپ ءوتتى.