قازاقستاندا الەۋمەتتىك جاردەماقىلار كولەمىن ارتتىرۋ ماسەلەسى بيۋدجەتتىك مۇمكىندىكتەرگە تىكەلەي بايلانىستى. ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ۆيكتوريا شەگاي سەنات كۋلۋارىندا مەملەكەتتىك تولەمدەردى قايتا قاراۋدىڭ باستى شارتتارىن اتاپ ءوتتى, دەپ حابارلايدى Egemen.kz.
ۆيتسە-ءمينيستردىڭ تۇسىندىرۋىنشە, رەسپۋبليكالىق بيۋدجەتتەن بولىنەتىن بارلىق الەۋمەتتىك تولەمدەر جىل سايىن ينفلياتسيانىڭ بولجامدى دەڭگەيىنە سايكەس يندەكستەلەدى. قاڭتار ايىنداعى جوسپارلى وسىمنەن كەيىن, ءدال قازىرگى ۋاقىتتا قوسىمشا يندەكستەۋ تۋرالى شەشىم قابىلدانعان جوق.
«دەگەنمەن, قارجى-ەكونوميكالىق بلوك تاراپىنان ءتيىستى ماقۇلداۋ الىنعان جاعدايدا, ءبىز بۇل ماسەلەنى قاراستىرۋعا دايىنبىز», دەپ تولىقتىردى ۆيكتوريا شەگاي.
ەسكە سالا كەتەيىك, 2026 جىلى مەملەكەتتىك جاردەماقىلارمەن, سونداي-اق مەملەكەتتىك الەۋمەتتىك ساقتاندىرۋ قورىنان (بۇدان ءارى – ماسق) بالانى بوسانۋعا جانە بالا 1,5 جاسقا تولعانعا دەيىن ونىڭ كۇتىمىنە بايلانىستى جالپى سوماسى 112,2 ملرد تەڭگەنى قۇرايتىن تولەمدەرمەن 597,4 مىڭ ادام قامتىلدى.