جامبىل وڭىرىندە تۇرعىنداردى باسپانامەن قامتۋ جۇمىسى «تۇرعىن ءۇي-كوممۋنالدىق ينفراقۇرىلىمدى دامىتۋدىڭ 2023-2029 جىلدارعا ارنالعان تۇجىرىمداماسى» اياسىندا جۇزەگە اسىرىلماق, دەپ حابارلايدى Egemen.kz.
جىل باسىنداعى مالىمەتكە سۇيەنسەك, كوممۋنالدىق تۇرعىن ءۇي قورىنان پاتەر الۋ كەزەگىندە 57 434 ادام تىركەلگەن. ونىڭ ىشىندە 31 055 ازامات حالىقتىڭ الەۋمەتتىك وسال توپتارىنا جاتادى.
وسى ساناتتاعى تۇرعىنداردى باسپانامەن قامتۋ ماقساتىندا وبلىستا الەۋمەتتىك تۇرعىن ۇيلەردىڭ قۇرىلىسى جۇرگىزىلىپ, سونىمەن قاتار دايىن پاتەرلەردى ساتىپ الۋ تەتىگى دە كەڭىنەن قولدانىلىپ جاتىر. وتكەن جىلى وبلىستا جالپى كولەمى 768,9 مىڭ شارشى مەتر تۇرعىن ءۇي پايدالانۋعا بەرىلدى. ونىڭ ىشىندە 157,9 مىڭ شارشى مەترى نەمەسە 20,5 پايىزى بيۋدجەت قاراجات ەسەبىنەن, ال 79,5 پايىزى جەكە مەنشىك قاراجاتى ەسەبىنەن سالىنعان.
ەندى كەز كەلگەن بانكتە تۇرعىن ۇيگە اقشا جيناۋعا بولادى
بيۋدجەت ەسەبىنەن 18,4 ملرد تەڭگەگە 2 190 پاتەرلى 46 كوپقاباتتى تۇرعىن ءۇيدىڭ قۇرىلىسى جۇرگىزىلدى. جىل قورىتىندىسىمەن 1 050 پاتەرگە ارنالعان 20 تۇرعىن ءۇيدىڭ قۇرىلىسى اياقتالدى. جەكە قاراجات ەسەبىنەن 1 056 پاتەرلى 39 كوپقاباتتى تۇرعىن ءۇي پايدالانۋعا بەرىلدى. بۇدان بولەك, حالىقتىڭ الەۋمەتتىك وسال توپتارىن باسپانامەن قامتۋ ماقساتىندا 21,5 ملرد تەڭگەگە 1 425 پاتەر ساتىپ الىندى.
تۇرعىن ءۇي ساۋداسى باسەڭدەدى: سۇرانىس نەگە ەكى ەسەگە ازايدى؟
2026 جىلى وڭىردە جالپى 770 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانىپ وتىر. جىلدىڭ قاڭتار-اقپان ايلارىندا 82,7 مىڭ شارشى مەتر تۇرعىن ءۇي قولدانىسقا بەرىلدى. كەزەكتە تۇرعان ازاماتتاردى الەۋمەتتىك تۇرعىن ۇيمەن قامتاماسىز ەتۋگە بيۋدجەتتەن 20,3 ملرد تەڭگە ءبولىندى. ناتيجەسىندە 2 035 ازامات باسپانامەن قامتىلادى. ونىڭ ىشىندە 680-ءى حالىقتىڭ الەۋمەتتىك وسال توپتارىنىڭ وكىلدەرى.
2026 جىلى تۇرعىن ءۇي قۇرىلىسىنا قانشا قارجى بولىنەدى؟
بيىل 15,4 ملرد تەڭگەگە 2 941 پاتەرلى 66 كوپقاباتتى تۇرعىن ءۇيدىڭ قۇرىلىسى جۇرگىزىلۋدە. جىل قورىتىندىسىمەن 1 685 پاتەرگە ارنالعان 35 تۇرعىن ءۇيدىڭ قۇرىلىسىن اياقتاۋ جوسپارلانعان. سونىمەن قاتار حالىقتىڭ الەۋمەتتىك وسال توپتارى ءۇشىن جالعا بەرىلەتىن 350 تۇرعىن ءۇيدى ساتىپ الۋ كوزدەلىپ وتىر.