اباي وبلىسىنىڭ پوليتسياسى مەديتسينالىق ديپلومدى زاڭسىز جولمەن جاساپ بەرمەك بولعان الاياقتىق دەرەگىن انىقتادى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ مالىمەتىنشە, ءتارتىپ ساقشىلارىنا ءۇرجار اۋىلىنىڭ 24 جاستاعى تۇرعىنى شاعىمدانعان. جابىرلەنۋشىنىڭ ايتۋىنشا, ول 2025 جىلدىڭ اقپان ايىندا الاياقتىق ارەكەتتىڭ قۇربانى بولعان.
ەلىمىزدە جالعان ديپلومداردى انىقتايتىن تسيفرلىق پورتال قۇرىلدى
تەرگەۋ بارىسىندا انىقتالعانداي, 44 جاستاعى ايەل مەديتسينالىق ماماندىق بويىنشا ديپلوم دايىنداپ بەرەمىن دەگەن جەلەۋمەن ازاماتتىڭ سەنىمىنە كىرىپ, قاراجاتىن يەمدەنگەن. ديپلوم الىپ, دارىگەر اتانعىسى كەلگەن جابىرلەنۋشى كۇدىكتىگە 600 000 تەڭگە كولەمىندە اقشا بەرگەن. الايدا, ۋادە ەتىلگەن قىزمەت كورسەتىلمەي, الاياق قاراجاتتى ءوز قاجەتىنە جاراتقان.
قازاقستان ديپلومىمەن قاي ەلدەردە جۇمىس ىستەۋگە بولادى؟
جەدەل-ىزدەستىرۋ ءىس-شارالارىنىڭ ناتيجەسىندە كۇدىكتى ۇستالىپ, پوليتسيا بولىمىنە جەتكىزىلدى. قازىرگى ۋاقىتتا الاياقتىق فاكتىسى بويىنشا سوتقا دەيىنگى تەرگەپ-تەكسەرۋ امالدارى باستالدى.
قۇقىق قورعاۋ ورگاندارى ازاماتتارعا كەز كەلگەن قۇجاتتى «جىلدام» نەمەسە «بەيرەسمي» جولمەن راسىمدەۋدىڭ زاڭسىز ەكەنىن ەسكەرتەدى. مۇنداي ارەكەتتەر قارجىلىق شىعىنعا عانا ەمەس, سونىمەن قاتار قىلمىستىق جاۋاپكەرشىلىككە دە اكەپ سوقتىرۋى مۇمكىن.