ارىپتەسىمىز, بەلگىلى جۋرناليست, «Egemen Qazaqstan» گازەتىندە باس رەداكتوردىڭ ورىنباسارى, كەيىننەن «Ortalyq Qazaqstan» گازەتىنىڭ باسشىسى قىزمەتىن ابىرويمەن اتقارعان قامبار احمەت «Saryarqa aqparat» مەدياحولدينگىنىڭ باس ديرەكتورى قىزمەتىنە تاعايىندالدى.
ەڭبەك جولىن «Ortalyq Qazaqstan» گازەتىندە باستاعان ول ءار جىلدارى «Aiqyn» گازەتىندە مەنشىكتى ءتىلشى, Baq.kz اقپارات اگەنتتىگىندە باس رەداكتور, «قازاقستان» رترك ينتەرنەت رەداكتسياسىندا باس رەداكتور, Nur Otan پارتياسىندا, اقپارات جانە كوممۋنيكاتسيالار مينيسترلىگىندە كەڭەسشى قىزمەتتەرىن اتقاردى. ال «Egemen Qazaqstan» گازەتىندە باس رەداكتوردىڭ ورىنباسارى رەتىندە ساياسات جانە قۇقىق بولىمدەرىنىڭ قىزمەتىن ۇيىمداستىرىپ, گازەتتىڭ وندىرىستىك-شىعارماشىلىق جۇمىستارىنىڭ ماڭىزدى بولىگىنە جاۋاپتى بولدى. 2019 جىلدىڭ قاڭتارىنان بۇگىنگە دەيىن قاراعاندى وبلىسىنىڭ «Ortalyq Qazaqstan» گازەتىنىڭ باس رەداكتورى قىزمەتىن اتقارىپ كەلدى.
قامبار جۇماعالي ۇلى 1978 جىلى قاراعاندى وبلىسىنىڭ اقتوعاي اۋدانىندا دۇنيەگە كەلگەن.
ە.ا.بوكەتوۆ اتىنداعى قارمۋ-دىڭ تۇلەگى. جۋرناليستيكاداعى ەڭبەك جولىن «بالقاش ءوڭىرى» قالالىق گازەتىنىڭ ءتىلشىسى قىزمەتىندە باستاعان.
2004-2006 جج. قاراعاندى وبلىستىق «ورتالىق قازاقستان» گازەتىندە ءتىلشى;
2006-2007 جج. قاراعاندى وبلىستىق «بالقانتاۋ» گازەتىندە ءتىلشى;
2005-2008 جج. «قازاقستان ءباسپاسوز كلۋبى» اق قاراعاندى وبلىسى بويىنشا وكىلى;
2007-2014 جج. رەسپۋبليكالىق قوعامدىق-ساياسي «ايقىن» گازەتىنىڭ ءتىلشىسى;
2010-2013 جج. Baq.kz اقپارات اگەنتتىگىنىڭ باس رەداكتورى;
2013-2014 جج. «قازاقستان» رترك» اق ينتەرنەت جوبالار بولىمىندە باس رەداكتور;
2014-2016 جج. Nur Otan پارتياسى «ەلەكتروندى پارتيا» مەديا رەداكتسياسى ينتەرنەت-رەسۋرسىنىڭ باسشىسى;
2016-2018 جج. قازاقستاننىڭ اقپارات جانە كوممۋنيكاتسيالار ءمينيسترىنىڭ كەڭەسشىسى;
2018-2019 جج. «Egemen Qazaqstan» رەسپۋبليكالىق گازەتى باس رەداكتورىنىڭ ورىنباسارى;
2019 جىلدان قاراعاندى وبلىسىنىڭ «Ortalyq Qazaqstan» گازەتىندە باس رەداكتور قىزمەتتەرىن اتقارعان.
قازاقستان پرەزيدەنتىنىڭ العىس حاتىمەن, قازاقستاننىڭ اقپارات جانە كوممۋنيكاتسيالار مينيسترلىگىنىڭ «اقپارات سالاسىنىڭ ۇزدىگى» توسبەلگىسىمەن ماراپاتتالعان.