ۇستىمىزدەگى جىلعى 8 تامىز كۇنى تۇندە قوستاناي قالاسىنىڭ ىرگەسىندەگى كيەۆ كەنتىندە ورنالاسقان 66/97 اسكەري بولىمدە قىسقا مەرزىمدى قىزمەت جاۋىنگەرى ميربەك باكىروۆ قايتىس بولدى. بۇل تۋرالى «ناشا گازەتا» حابارلادى.
سولدات ءولىمىنىڭ سەبەبى ازىرگە بەلگىسىز. ول اسكەرگە ورال قالاسىنان شاقىرىلعان بولىپ شىقتى.
-تۇنگى 22:00 ساعاتتا سولداتتار ۇيىقتاۋعا جاتتى. ال 22:45-تە روتا كەزەكشىسى اسكەري قىزمەتكەردىڭ قالشىلداپ جاتقانىن كورەدى. دەرەۋ دارىگەر شاقىرتتىق. ول كەلە سالا العاشقى مەديتسينالىق كومەك كورسەتتى. سونىمەن ءبىر مەزگىلدە, «جەدەل جاردەم» دە جەتتى. بىراق سولداتتى قۇتقارىپ قالۋدىڭ ورايى كەلمەدى. دارىگەرلەر 23-30-دا ونىڭ ءولىپ كەتكەنىن تىركەدى, - دەپ ءتۇسىندىردى بۇل جاعدايدى ءبولىم كومانديرى باقتيار قۋاتوۆ.
قوستاناي گارنيزونىنىڭ پروكۋرورى دارحان ەرجانوۆ «نگ» گازەتىنە قازىرگى كەزدە تەرگەۋگە دەيىنگى تەكسەرۋ جۇمىستارى جۇرگىزىلىپ, كازارماداعى بارلىق جاۋىنگەرلەردەن جاۋاپ الىنىپ جاتقانىن ايتتى.
«ءولىمنىڭ سەبەبىن ءبىز تەك سوت-مەديتسينالىق ساراپتاماسىنان كەيىن عانا ايتا الامىز», دەدى ول.
ال بۇگىن, 10 تامىز كۇنى اسكەري بولىمگە قايتىس بولعان سولداتتىڭ اتا-اناسى ۇشاقپەن ۇشىپ كەلەدى.
مۇرات ايتقوجا.