بيىل حالىق ساناعى جۇرگىزىلەدى

كوميتەت توراعاسىنىڭ اي­تۋىنشا, حالىق ساناعى شارت­تى ەكى كەزەڭنەن تۇرادى. 1-30 ماۋسىم ارالىعىندا وتە­­تىن دايىندىق كەزەڭىندە ينتەر­ۆيۋەرلەر تۇرعىن ۇي­لەر مەن تۇرعىن ەمەس ءۇي-جاي­لار­دىڭ, قۇرىلىستاردىڭ, سون­­داي-اق ونداعى تۇراتىن تۇر­عىنداردىڭ ناقتى سانىن انىقتاۋ ماقساتىندا ءاربىر ەلدى مەكەندى ارالاپ شىعادى. ياعني, بۇل كەزدە ساناقتىق اۋدان­داستىرۋعا دايىندىق جۇر­­­گىزىلەدى. ال ساناقتىق اۋدان­­داستىرۋ دەگەنىمىز – وڭىر­­­دەگى ءاربىر ەلدى مەكەننىڭ اۋما­­عىن ساناقتان وتكىزۋ ءۇشىن نۇسقاۋشىلىق جانە ەسەپتىك ۋچاس­كەلەرگە ءبولۋ.

ساناقتىڭ نەگىزگى كەزەڭى قازان ايىنىڭ 1-ءى مەن 30-ى ارالىعىنا جوسپارلانعان. ال­عاشقى 15 كۇندە ينتەرنەت-ساۋالداما جۇرگىزىلەدى. «2009 جىلى ۇلتتىق حالىق ساناعى كەزىندە بولعان قاتە­لىك­تەردى ەسكەردىك. بيىلعى ساناق بارلىق تالاپتارعا ساي وتەدى. ءبىرىنشى ەرەكشەلىك, قا­عازبەن جۇمىس ىستەۋ بولمايدى. ساۋالداما جاۋاپتارى پلانشەتكە ەنگىزىلەدى. ەكىنشى ەرەكشەلىك, ينتەرۆيۋەرلەردى ۇيىنە كىرگىزۋدى قالامايتىن ادام sanaq.gov.kz ارنا­يى سايتىنا كىرىپ, ساناق پاراق­تارىن ءوز بەتىمەن تولتىرا الادى. بۇل وتە ىڭعايلى. ءبىز ينتەرۆيۋەرلەردىڭ قاۋىپسىزدىگى ءۇشىن وبلىستىق اكىمدىكتەرمەن جۇمىس ىستەپ جاتىرمىز. كەي­بىر اۋدانداردى ينتەرۆيۋەرلەر ۋچاسكەلىك پوليتسيالارمەن بىرگە ارالايدى», دەدى نۇر­بولات ايداپكەلوۆ.

حالىققا ساۋالداما جۇر­گىزۋ بارىسىندا رەسپون­دەنت­تى سايكەستەندىرۋ ءۇشىن ادام­نىڭ جسن-ءى پايدالانىلادى. ساۋالداما اياقتالعاندا حالىق ساناعىنان وتكەنى تۋرالى انىق­تاما بەرىلەدى.

نۇربولات ايداپكەلوۆ تىكە­لەي حالىق ساناعىن وتكى­زۋ كەزەڭىندە ۋاقىتشا سا­ناق پەرسونالى رەتىندە (نۇس­قاۋشى-باقىلاۋشىلار, ينتەرۆيۋەرلەر) 32,5 مىڭ ادام جۇمىسقا تارتىلاتىنىن جەت­كىزدى. «ساناق جۇرگىزەتىن ازاماتتارعا قويىلاتىن تالاپتار: باستاماشىل, جاۋاپ­تى, تەز ءتىل تابىسقىش 18 جاس­تان اسقان قازاقستان ازاماتى بولۋى كەرەك. جۇمىس ءوتىلى مەن كاسىبي بىلىمىنە تالاپتار قويىلمايدى, تەك پلانشەتپەن جۇمىس ىستەي ءبىلۋى كەرەك. 30 كۇنگە قىزمەت كور­سەتىلگەن كەزدە دايىندىق كە­زەڭىنىڭ ينتەرۆيۋەرىنە 75 743 تەڭگە, نەگىزگى كەزەڭ ين­تەر­ۆيۋەرلەرىنە 94 678 تەڭگە تولەۋ جوسپارلانعان. ال 45 كۇن قىزمەت ەتكەن دايىندىق جانە نەگىزگى كەزەڭدەردىڭ نۇس­قاۋشى-باقىلاۋشىسىنا 113 614 تەڭگە اقى تولەنبەك», دەدى ول.

كوميتەت توراعاسىنىڭ ايتۋىنشا, 2018 جىلدان باس­تاپ 2022 جىل ارالىعىندا قازاقستاندا ۇلتتىق حالىق ساناعىنا دايىندىق جانە وتكىزۋ ءۇشىن بيۋدجەتتەن 8 ملرد 211 ملن تەڭگە قارجى قا­راستىرىلعان. «بيۋدجەتتىڭ نەگىزگى بولىگى – 3 ملرد 7 ملن تەڭگە ينتەرۆيۋەرلەردىڭ ەڭ­بەگىنە تولەنەدى. ونلاين رەسۋرس پەن اقپاراتتىق جۇيەگە دە قارجى كەتتى. ودان كەيىن ءاربىر وبلىس ورتالىقتارىندا ساناق جۇرگىزۋ بولىمدەرىن اشتىق. اۋدان, اۋىلداردا ساناق جۇرگىزۋ ءۇشىن كولىك جالدايتىن بولامىز. شامامەن 1 ملرد تەڭگەگە پلانشەتتەر, سۋمكالار, شارفتار ساتىپ الدىق. بۇل تۋرالى مالىمەتتەر سايتتا اشىق كورسەتىلگەن», دەگەن ن.ايداپكەلوۆ تۇرعىن ۇيلەرگە بارعان كەزدە ينتەرۆيۋەرلەردە حالىق ساناعىنىڭ لوگوتيپى بار كۋالىك, سومكە, شارفتىڭ بولۋى مىندەتتى ەكەنىن ەسكەرتتى.