«ەگەمەن قازاقستان» گازەتىنىڭ 2013 جىلعى 5 ماۋسىم كۇنگى سانىنداعى ورالحان ءداۋىتتىڭ «وق اتقان كىم؟» اتتى ماقالاسى وڭتۇستىك قازاقستان وبلىستىق پروكۋراتۋراسىندا قارالدى.
«ەگەمەن قازاقستان» گازەتىنىڭ 2013 جىلعى 5 ماۋسىم كۇنگى سانىنداعى ورالحان ءداۋىتتىڭ «وق اتقان كىم؟» اتتى ماقالاسى وڭتۇستىك قازاقستان وبلىستىق پروكۋراتۋراسىندا قارالدى.
ماقالادا كورسەتىلگەن ءمان-جايلاردى تەكسەرۋ كەزىندە انىقتالعانى, 3 مامىر 2013 جىلى ساعات 18:00 شاماسىندا تۇركىستان قالالىق ىشكى ىستەر باسقارماسىنىڭ كەزەكشى بولىمىنە ءتۇركىستان قالاسى «تالعات ي ك» كلينيكاسىنان ءتۇركىستان قالاسى, بەكزات م/ا, جاڭگىرحان كوشەسى, 98-ءۇي تۇرعىنى ن.سىزدىقوۆ «سول كوزىمەن سول قولىنىڭ شىنتاق تۇسىنان وت قارۋىنان العان جاراقاتى, ءىى-ءىىى دارەجەدەگى تراۆماتيكالىق شوك» دياگنوزىمەن تۇسكەنى جايلى حابارلاما بەرىلگەن.
اتالعان دەنە جاراقاتىن ن.سىزدىقوۆقا بەلگىسىز ازاماتتار تۇركىستان قالاسى, س.ەرۋباەۆ كوشەسى №16-ءۇيدىڭ تۇسىندا بەلگىسىز اتىس قارۋىمەن سول كۇنى ساعات 17:20 كەزىندە سالعانى انىقتالعان.
وسى وقيعا بويىنشا تۇركىستان كىىب بەلگىسىز ازاماتتارعا قارسى قىلمىستىق كودەكستىڭ 24-بابىنىڭ 3-بولىگى, 96-بابىنىڭ 2-بولىگى «ي» تارماعىمەن قىلمىستىق ءىس قوزعاعان, ياعني «بۇزاقىلىق نيەتپەن بوتەن ادامعا قاساقانا قازا كەلتىرۋگە وقتالىپ, ءوز قىلمىستىق ءىس ارەكەتتەرىن وزىنە بايلانىستى ەمەس سەبەپتەرمەن اقىرىنا دەيىن جەتكىزە الماعان».
7 مامىر كۇنى وسى قىلمىستىق ءىس بويىنشا كۇدىكتى رەتىندە اۋداندىق سوتتىڭ قاۋلىسىمەن ت.تاڭاتوۆقا بۇلتارتپاۋ شاراسى – قاماۋعا الۋ قولدانىلعان.
اۋدان پروكۋراتۋراسى تاراپىنان قىلمىستىق ءىس بويىنشا تەرگەۋ امالدارىنىڭ جان-جاقتى جانە وبەكتيۆتى تۇردە جۇرگىزىلۋىن جانە ايىپتالۋشى ت.تاڭاتوۆتىڭ اتا-اناسى تاراپىنان جازعان ارىزدارىنداعى كورسەتىلگەن ءۋاجدەرىن تەرگەۋ بارىسىندا تولىق تەكسەرىلۋىن قامتاماسىز ەتۋ تۋرالى جازباشا نۇسقاۋ بەرىلگەن.
قازىرگى تاڭدا وسى قىلمىسقا كۇدىكتى ت.تاڭاتوۆتىڭ قاسىندا بولعان باسقا دا ازاماتتاردى انىقتاپ, ولاردى ۇستاۋعا باعىتتالعان جەدەل-تەرگەۋ امالدارى جۇرگىزىلۋدە, ونىڭ بارىسى وبلىس پروكۋراتۋراسى تاراپىنان باقىلاۋعا الىندى».
ءا.قوجاحمەتوۆ,
وڭتۇستىك قازاقستان وبلىستىق پروكۋرورىنىڭ ورىنباسارى.