الماتى قالاسى ادىلەت دەپارتامەنتى جەكە نوتاريۋس ك.ك.اقانوۆاعا قاتىستى «ەگەمەن قازاقستان» گازەتىنىڭ 2013 جىلعى 16 مامىر كۇنگى نومىرىندە جاريالانعان ش.ءامىروۆتىڭ «مەملەكەتتىك ءتىلدى مەنسىنبەيتىن نوتاريۋستىڭ ءوزى مە, الدە سونداي نۇسقاۋ بار ما؟» اتتى ماقالاسىن زەردەلەدى.
ماقالادا كورسەتىلگەن دالەلدەردى تەكسەرۋ ماقساتىندا, نوتاريۋس ك.ك.اقانوۆادان, ازامات ك.ابۋوۆتەن تۇسىنىكتەمە الىندى جانە الماتى قالاسى نوتاريالدىق پالاتاسىنا سۇراۋ حات جولداندى.
الماتى قالاسى ادىلەت دەپارتامەنتى جەكە نوتاريۋس ك.ك.اقانوۆاعا قاتىستى «ەگەمەن قازاقستان» گازەتىنىڭ 2013 جىلعى 16 مامىر كۇنگى نومىرىندە جاريالانعان ش.ءامىروۆتىڭ «مەملەكەتتىك ءتىلدى مەنسىنبەيتىن نوتاريۋستىڭ ءوزى مە, الدە سونداي نۇسقاۋ بار ما؟» اتتى ماقالاسىن زەردەلەدى.
ماقالادا كورسەتىلگەن دالەلدەردى تەكسەرۋ ماقساتىندا, نوتاريۋس ك.ك.اقانوۆادان, ازامات ك.ابۋوۆتەن تۇسىنىكتەمە الىندى جانە الماتى قالاسى نوتاريالدىق پالاتاسىنا سۇراۋ حات جولداندى.
ك.ءابۋوۆتىڭ «ەگەمەن قازاقستان» گازەتىنىڭ الماتى بولىمشەسىنە حابارلاندىرۋعا تولەنگەن اقشانى قايتارۋ ءۇشىن قايتادان بارۋىنا ورىس تىلىندەگى سالالىق گازەتتە حابارلاندىرۋ باعاسىنىڭ ارزاندىعى سەبەپ بولعانى انىقتالدى. قارجىلىق قيىنشىلىقتارعا, تۇراقتى جۇمىسىنىڭ جوقتىعىنا, كۇن كورۋ جانە قىزىنىڭ وقۋىن ءتولەۋ ءۇشىن ەكى جۇمىستا ىستەپ قوسىمشا تابىس تاۋىپ جۇرگەنىنە بايلانىستى, ك.ابۋوۆ ءباسپاسوز باسىلىمدارىن تاڭداعان كەزدە, باسپاسوز باسىلىمىنىڭ ءتىلى ەمەس, حابارلاندىرۋدىڭ باعاسىن نەگىزگە العان.
سونىمەن بىرگە, الماتى قالاسى ادىلەت دەپارتامەنتى ءوز قىزمەتىن «ادىلەت ورگاندارى تۋرالى» قر زاڭىنا جانە وزگە دە نورماتيۆتىك-قۇقىقتىق اكتىلەرگە, سونىڭ ىشىندە «قازاقستان رەسپۋبليكاسىنداعى ءتىل تۋرالى» قر زاڭىنا سايكەس جۇزەگە اسىراتىنىن حابارلايمىز.
الماتى قالاسى ادىلەت دەپارتامەنتىندە ءىس-جۇرگىزۋ مەملەكەتتىك تىلدە جۇرگىزىلەدى. ازاماتتاردىڭ وتىنىشتەرى مەن باسقا دا قۇجاتتارعا قايتاراتىن جاۋاپتار مەملەكەتتىك تىلدە نەمەسە ءوتىنىش جاسالعان تىلدە بەرىلەدى.
«ادىلەت ورگاندارى تۋرالى» قر زاڭىنىڭ 19-بابىنا سايكەس, الماتى قالاسى ادىلەت دەپارتامەنتى جەكە نوتارياتتىڭ دامۋىنا جاردەمدەسۋ, جاسالعان نوتارياتتىق ارەكەتتەردىڭ زاڭدىلىعى مەن مەملەكەتتىك جانە جەكە نوتاريۋستاردىڭ ءىس جۇرگىزۋ ەرەجەلەرىن ساقتاۋىن باقىلاۋ فۋنكتسيالارىن جۇزەگە اسىرادى.
سونىمەن بىرگە, قازاقستان رەسپۋبليكاسى ادىلەت مينيسترلىگى تاراپىنان جەكە نوتاريۋستارعا «قازاقستان رەسپۋبليكاسىنداعى ءتىل تۋرالى» قر زاڭىنا سايكەس قىزمەت جاساۋ تۋرالى نۇسقاۋ بەرىلگەنىن حابارلايمىز.
دەپارتامەنت قازاق ءتىلىنىڭ بەدەلىن نىعايتۋ جانە دامىتۋ, مەملەكەتتىك ءتىلدى ناسيحاتتاۋ ماقساتىندا تۇراقتى نەگىزدە جۇمىس ءجۇرگىزەدى.
د.ايتمۇحامەتوۆ,
الماتى قالاسى ادىلەت دەپارتامەنتىنىڭ باسشىسى.