2020 جىلعى قاڭتار ايىنىڭ قورىتىندىسىندا ەلىمىزدە ونەركاسىپتىك ءوندىرىس كولەمى 104,1%, ونىڭ ىشىندە تاۋ-كەن ونەركاسىبىندە 102,8%, وڭدەۋ ونەركاسىبىندە 107,8% قۇرادى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.
تاۋ-كەن ءوندىرىسى سەكتورىندا ءتۇستى قازبالار ءوندىرۋ كولەمى 2018 جىلى ىسكە قوسىلعان جانە جۇمىس ىستەپ تۇرعان كاسىپورىنداردىڭ (باكىرشىق تاۋ-كەن ءوندىرۋ كاسىپورنى, سارىارقا رەسۋرسەرس كاپيتال, «قازاقمىس كورپوراتسياسى» جشس, «كازتسينك» جشس, «كازمينەرالس» كومپانيالار توبى) تۇراقتى جۇمىسى ەسەبىنەن 7,8% ارتتى. تەمىر كەنى وندىرىسىندە دە وڭ سەرپىن بايقالىپ, 18,7 ءوسىم بولدى. كومىر مەن ليگنيت ءوندىرۋ كولەمى 100,5% قۇرادى.
وڭدەۋ ونەركاسىبى سالاسىندا دا ناقتى ءوسىم بار, اتاپ ايتقاندا قارا مەتاللۋرگيادا 17,5%, ءتۇستى مەتاللۋرگيادا 7,3%, ماشينا جاساۋ سالاسىندا 21%, جەڭىل ونەركاسىپتە 8,7%, حيميا ونەركاسىبىندە 0,8%, فارماتسەۆتيكالىق ونەركاسىپتە 19,1% قۇرادى.