اقش-تىڭ بوستون قالاسىنداعى ۇلكەن القابيلەر سوتى قازاقستاندىق ستۋدەنتتەر ازامات تاجاياقوۆ پەن دياس قادىرباەۆقا مارافوننان كەيىن ورىن العان تەراكت جاي-جاپسارىن تەكسەرۋ كەزىندە قۇقىق قورعاۋشىلارعا كەدەرگى كەلتىردى دەپ تاعىلعان ايىپتىڭ دۇرىستىعىن ماقۇلدادى.
AFP اگەنتتىگىنىڭ ءمالىمدەۋىنشە, ەندى قازاق جىگىتتەرىنە 20 جىل تۇرمەدە وتىرۋ قاۋپى ءتونىپ تۇر. بۇل ەكى جاس جىگىت بيىلعى مامىر ايىنىڭ باسىندا قاماۋعا الىنعان بولاتىن. ولار تەرگەۋ كەزىندە وزدەرىنىڭ جوعارىدا اتالعان لاڭكەستىككە قاتىستى ايعاق زاتتاردان قۇتىلماق بولعاندارىن مويىنداپتى. فەدەرالدى بارلاۋ بيۋروسى دجوحار تسارناەۆ مارافونعا فەيەرۆەركتەر مەن نوۋتبۋك سالىپ بارعان ارقاعا اساتىن قاپشىقتى سوڭىنان وسى ستۋدەنتتەر تۇرعان پاتەرگە اكەلىنگەنىن ايتادى. بۇل ەكەۋى كەيىن قاۋىپ تونە باستاعان شاقتا ونى تەرەزەدەن لاقتىرىپ جىبەرگەن. ارتىنشا ارنايى قىزمەت قىزمەتكەرلەرى ايعاقتى ريۋكزاكتى كۇل-قوقىس اراسىنان تاۋىپ العان.
ەسكە سالىپ وتسەك, تامەرلان جانە دجوحار تسارناەۆتارعا ۇستىمىزدەگى جىلعى 15 ءساۋىر كۇنى بوستونداعى مارافوننىڭ سوڭىن الا ورىن العان جارىلىستىڭ تىكەلەي جاساۋشىلار رەتىندە ايىپ تاعىلىپ وتىر. سول وقيعانىڭ سالدارىنان 3 ادام قازا تاۋىپ, 180 ادام ءارتۇرلى جاراقات الدى. تامەرلان پوليتسەيلەرمەن اتىس كەزىندە قازا تاپتى, ال دجوحار ارتىنشا قولعا ءتۇستى.
سۇلتان بوزايعىر.