مىسىر مامىلەگە كەلە الار ەمەس
مۇسىلماندار ءۇشىن قاسيەتتى رامازان ايىنىڭ اياقتالعانىن بىلدىرەتىن ەڭ ماڭىزدى يد ءال-فيتر مەرەكەسى دە ەگيپەتكە قۋانىشتى كوڭىل كۇي اكەلە الماي وتىر.
وسىعان دەيىن ءبىر كۇن بۇرىن ىشكى ساياسي داعدارىستى جويۋ جونىندەگى حالىقارالىق دەلدالدىق كۇش-جىگەردىڭ جۇزەگە اسپاي قالعانى حابارلانعان بولاتىن. كايرگە داعدارىستى رەتتەۋ جونىندەگى ۇسىنىستارمەن كەلىپ, وسىندا ءبىر اپتادان استام بولعان اقش مەملەكەتتىك حاتشىسىنىڭ ءبىرىنشى ورىنباسارى ۋيليام بەرنس تۇك بىتىرمەستەن ەلدەن كەتۋگە ءماجبۇر بولدى. سونىمەن بىرگە, ەگيپەتتىڭ قازىرگى بيلىگى كايردەگى امەريكالىق سەناتورلار دجون ماككەين مەن ليندسي گرەمنىڭ شىندىقتى بۇرمالاپ, ەلدىڭ ىشكى ىسىنە تىكەلەي ارالاسقانىنا نارازىلىق ءبىلدىردى.
مىسىر مامىلەگە كەلە الار ەمەس
مۇسىلماندار ءۇشىن قاسيەتتى رامازان ايىنىڭ اياقتالعانىن بىلدىرەتىن ەڭ ماڭىزدى يد ءال-فيتر مەرەكەسى دە ەگيپەتكە قۋانىشتى كوڭىل كۇي اكەلە الماي وتىر.
وسىعان دەيىن ءبىر كۇن بۇرىن ىشكى ساياسي داعدارىستى جويۋ جونىندەگى حالىقارالىق دەلدالدىق كۇش-جىگەردىڭ جۇزەگە اسپاي قالعانى حابارلانعان بولاتىن. كايرگە داعدارىستى رەتتەۋ جونىندەگى ۇسىنىستارمەن كەلىپ, وسىندا ءبىر اپتادان استام بولعان اقش مەملەكەتتىك حاتشىسىنىڭ ءبىرىنشى ورىنباسارى ۋيليام بەرنس تۇك بىتىرمەستەن ەلدەن كەتۋگە ءماجبۇر بولدى. سونىمەن بىرگە, ەگيپەتتىڭ قازىرگى بيلىگى كايردەگى امەريكالىق سەناتورلار دجون ماككەين مەن ليندسي گرەمنىڭ شىندىقتى بۇرمالاپ, ەلدىڭ ىشكى ىسىنە تىكەلەي ارالاسقانىنا نارازىلىق ءبىلدىردى.
سنوۋدەن پايدالانعان سەرۆيس جابىلدى
اقپارات تاراتۋشى ەدۆارد سنوۋدەن پايدالانىپ كەلگەن, اتاپ ايتقاندا, سول ارقىلى ادام قۇقىن قورعاۋشى اكتيۆيستەرمەن بايلانىس ورناتىپ كەلگەن امەريكالىق Lavabit ەلەكتروندى پوشتا قىزمەتى ءوز جۇمىسىن توقتاتتى.
Lavabit قوجايىنى لەيدار ليۆايزون سەرۆيستىڭ باس پاراقشاسىندا مالىمدەمە جاريالاي وتىرىپ, بۇل تۋرالى ءوز پايدالانۋشىلارىن قۇلاعدار ەتتى. ءبىر ايتا كەتەرلىگى, ليۆايزون وسىنداي شەشىم قابىلداۋعا زاڭعا بايلانىستى شەكتەۋلەر تۋىنداعاندىقتان ورىن العان جاعدايدىڭ ناقتى سەبەبىن ايتا المايتىنىن جەتكىزگەن. ونىڭ سوزىنە قاراعاندا, ونىڭ الدىندا نە ون جىل ۋاقىتى كەتكەن ءتولتۋماسىن جابۋ, نە «قىلمىستارعا ورتاقتاسۋ» تاڭداۋى تۇرعان.
قىرىق جىل دجۋنگليدە ءومىر ءسۇرىپتى
ۆەتنامنىڭ ورتالىق بولىگىندەگى دجۋنگليدە 40 جىل بويى وركەنيەتتەن وقشاۋ ءومىر سۇرگەن اكە مەن بالا تابىلعان. بۇل تۋرالى Tuoi Tre ۆەتنامدىق باسىلىمى حابارلاپ وتىر.
82 جاستاعى حو ۆان تەنح پەن ونىڭ 42 جاسار ۇلى حو ۆان لاندى جاقىن ورنالاسقان دەرەۆنيالاردىڭ ءبىرىنىڭ تۇرعىندارى كەزدەيسوق كورىپ قالعان. ولاردىڭ جەرگىلىكتى بيلىككە حابارلاۋىنان كەيىن دجۋنگليدىڭ ادەتتەن تىس تۇرعىندارىن ىزدەۋ ءۇشىن ارنايى وترياد جاساقتالعان. ىزدەۋ توبى 5 ساعاتتان كەيىن شاعىن ۇيشىكتى تاپقان. اكە مەن بالادا اعاش قابىعىنان جاسالعان بەل بايلاعىشتار عانا بولعان. ۇزاق ۋاقىت ادامداردان وقشاۋ ءومىر سۇرگەندەرىنە قاراماستان, ولار ۆەتنامدىق ديالەكتىلەردىڭ بىرىندە سويلەي الادى ەكەن. اكە مەن بالا 40 جىل بويىنا جيدەكتەرمەن جانە كوكونىسپەن قورەكتەنىپ كەلىپتى.
نوبەل سىيلىعى لاۋرەاتىنىڭ ءۇيى تونالدى
نوبەل سىيلىعىنىڭ لاۋرەاتى, وڭتۇستىكافريكالىق ارحيەپيسكوپ دەسموند تۋتۋدىڭ ءۇيى توناۋعا ۇشىراعان. كەيپتاۋندا ايەلىمەن بىرگە تۇراتىن 81 جاستاعى تۋتۋدىڭ ۇيىنە بەلگىسىز بىرەۋلەر كىرىپ, كەيبىر دۇنيەلەرىن الىپ كەتكەن.
ۇرلىق كەزىندە ۇيدەگى دابىلداتقىشتىڭ ىسكە قوسىلعانىنا قاراماستان ۇيىقتاپ جاتقان تۋتۋ مەن ونىڭ ايەلى وعان ونشا نازار اۋدارماعان, سونىڭ سالدارىنان بولعان وقيعا تۋرالى تەك ەرتەڭىندە عانا حابارلاعان. دەسموند تۋتۋ وڭتۇستىك افريكا رەسپۋبليكاسىندا سانى از-اق ناسىلدىلەردىڭ ۇستەمدىك قۇرۋىنا اشىق قارسى شىعۋىمەن بەلگىلى. دەگەنمەن, ورىن العان ۇرلىقتىڭ ونىڭ ساياسي قىزمەتىنە ەشقانداي قاتىسى جوق سياقتى.
ەلشىلىكتەر تەررورشىلاردان ساقتانۋدا
اقش مەملەكەتتىك دەپارتامەنتى تەررورلىق قاۋىپ-قاتەرگە بايلانىستى پاكستاننىڭ لاحور قالاسىنداعى ءوزىنىڭ ديپلوماتيالىق ميسسياسىنىڭ ۇلكەن بولىگىن باسقا جەرگە كوشىرۋ تۋرالى شەشىم قابىلدادى.
ەلشىلىك عيماراتىندا تەك جۇمىس ءۇشىن وتە قاجەت دەگەن قىزمەتشىلەر عانا قالعان. بىلايعى قىزمەتكەرلەردىڭ بارلىعى ەل استاناسى يسلامابادقا قونىس اۋداردى. مەملەكەتتىك دەپارتامەنت اقش ازاماتتارى ءۇشىن تەررورلىق قاۋىپ-قاتەردىڭ بار ەكەنىن ەسكەرتىپ, امەريكالىقتارعا ەل ىشىندە ءجيى ءجۇرىپ-تۇرۋدان ساقتانۋعا كەڭەس بەرگەن. تامىز ايىنىڭ باسىندا اقش بيلىگى تاياۋ شىعىس پەن افريكانىڭ وننان استام ەلىندە ەلشىلىكتەرىن ۋاقىتشا, ياعني 10 تامىزعا دەيىن جابۋ تۋرالى شەشىم قابىلداعان بولاتىن. ال 6 تامىز كۇنى يەمەندەگى ەلشىلىك كوشىرىلىپ, ت