سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ باستاعان قازاقستاندىق دەلەگاتسيا قازاقستان رەسپۋبليكاسى مەن كورەيا رەسپۋبليكاسىنىڭ سىرتقى ىستەر مينيسترلىكتەرى اراسىنداعى ساياسي كونسۋلتاتسيالاردىڭ 10-شى وتىرىسىنا قاتىستى. بۇل تۋرالى ءسىم ءباسپاسوز قىزمەتى حابارلادى.
كورەي دەلەگاتسياسىن سىرتقى ىستەر ءمينيسترىنىڭ ورىنباسارى كيم گون باسقاردى.
وتىرىس اياسىندا ەكىجاقتى ساياسي, ساۋدا-ەكونوميكالىق, مادەني-گۋمانيتارلىق ىنتىماقتاستىق, سونىڭ ىشىندە ينۆەستيتسيا مەن جاڭا تەحنولوگيالاردى تارتۋ, ءوزارا تاجىريبە الماسۋ ماسەلەلەرى تالقىلاندى.
كەزدەسۋ سوڭىندا تاراپتار ءوزارا ىقپالداستىقتىڭ جوعارى دەڭگەيىن راستاي وتىرىپ, الداعى ۋاقىتتا دا ەكىجاقتى جانە كوپجاقتى دەڭگەيلەردەگى قارىم-قاتىناستاردى ودان ءارى دامىتۋعا كەلىستى.