سەناتور نۇرتورە ءجۇسىپ جانە مۇراتباي جولداسبەكوۆ ازەربايجاندا وتكەن كەزەكتەن تىس پارلامەنتتىك سايلاۋعا قاتىستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
ازەربايجان رەسپۋبليكاسىندا 9 اقپاندا وتكەن كەزەكتەن تىس پارلامەنت سايلاۋىنا قازاقستاندىق سەناتورلار حالىقارالىق باقىلاۋشى رەتىندە ميللي مەدجليستىڭ اتىنان شاقىرتۋ الدى.
دەپۋتاتتار جالپى سايلاۋدىڭ قاناعاتتانارلىق دەڭگەيدە ۇيىمداستىرىلعانىن ايتىپ ءوتتى. سەناتور ن. ءجۇسىپتىڭ مالىمدەۋىنشە, سايلاۋدا داۋىس بەرۋشىلەر مەن باقىلاۋشىلارعا بارلىق جاعداي جاسالدى.
اتالعان ەلدەگى سايلاۋ بارىسىن 58 ەل جانە 59 ۇيىمنان 883 حالىقارالىق باقىلاۋشى قاداعالادى.