قاراعاندى وبلىستىق ادىلەت دەپارتامەنتىنىڭ باسشىسى بولىپ تيمۋر ەرماعامبەتوۆ تاعايىندالدى, دەپ حابارلادى ادىلەت مينيسترلىگىنىڭ ءباسپاسوز قىزمەتى.
تيمۋر كۋات ۇلى ەرماعامبەتوۆ 1982 جىلى قاراعاندى وبلىسىندا دۇنيەگە كەلدى. ەكى جوعارى ءبىلىمى بار: 2004 جىلى ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «زاڭگەر» ماماندىعى بويىنشا جانە 2017 جىلى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىن «مەملەكەتتىك جەرگىلىكتى باسقارۋ» ماماندىعى بويىنشا تامامداعان.
ەڭبەك جولىن 2005 جىلى ىشكى ىستەر ورگاندارىندا باستادى. 2011 جىلدان 2014 جىلعا دەيىن ادىلەت مينيسترلىگى قاراعاندى وبلىسىنىڭ ادىلەت دەپارتامەنتىندە ءارتۇرلى لاۋازىمداردا كەڭەسشى-تىركەۋشى, جەتەكشى مامان, باس مامان, ءبولىم باسشىسى بولىپ قىزمەت اتقاردى.
2014 جىلدان 2015 جىلعا دەيىن قازاقستان رەسپۋبليكاسى ادىلەت مينيسترلىگىنىڭ ستراتەگيالىق جوسپارلاۋ جانە جۇمىستى ۇيىمداستىرۋ باسقارماسىنىڭ باسشىسى بولىپ جۇمىس ىستەگەن.
2015 جىلدان باستاپ 2018 جىلعا دەيىن ادىلەت مينيسترلىگىنىڭ قاراعاندى وبلىسى ادىلەت دەپارتامەنتى باسشىسىنىڭ ورىنباسارى قىزمەتىن اتقاردى.
2018 جىلدان 2019 جىلعا دەيىن ادىلەت مينيسترلىگىنىڭ سسو قاراعاندى وبلىسى سوت ساراپتاماسى ينستيتۋتىنىڭ ديرەكتورى قىزمەتىن اتقاردى.
2019 جىلعى جەلتوقساننان باستاپ ادىلەت مينيسترلىگىنىڭ زاڭعا تاۋەلدى اكتىلەر دەپارتامەنتىندە جۇمىس ىستەدى.